Bortziriak
Nafarroa mendialdeko eskualdea, Bera, Etxalar, Igantzi, Arantza eta Lesaka udalerriek osatua (Bidasoaldea). Mugak: iparraldean, Lapurdi; ekialdean, Baztan; mendebalean, Urumea harana eta Irun; hegoaldean, Bertizarana eta Doneztebe. Bidasoa ibaiak hegoalde-iparralde zeharkatzen du eskualdea. Bertako gailurrik aipagarrienak Mendaur (1.136 m), Ekaitza (1.034 m) eta Larrun (898 m) dira.
