Bello-Portu, Javier
Gipuzkoar musikagile eta orkestra zuzendaria (Tolosa, 1920 - 2004). Piano, harmonia eta konposizio ikasketak egin zituen bere jaioterrian, Ignacio Mocoroa irakaslearekin, eta orkestra zuzendaritza landu zuen Cesar Figueridorekin. Madrilen, Filosofia eta Letretan lizentziatu zen. Donostiako eta Zaragozako Orkestra Sinfonikoak zuzendu zituen, baita Iruñeko Santa Cecilia Orkestra ere. Loiolako Nazioarteko Jaialdiaren sortzaile eta zuzendari artistikoa izan zen 1971z geroztik, eta Asociación de Amigos de la Ópera Vasca delako elkartearen ohorezko presidente ere bai. Zuzendari bezala ez ezik, konpositore bezala ere nabarmendu zen Javier Bello-Portu. 2000. urtean, laurogei urte bete zituela ospatzeko, omenaldi berezia eskaini zion bere jaioterriak 32. Abesbatza Lehiaketaren barruan.
