Euskararen tresnak

Lur hiztegi entziklopedikoa

Kultura eta Hizkuntza Politika Saila

Basho (Matsuo Munefusa)

Japoniako fraide eta poeta (Tsuge, 1644 - Osaka, 1694). Haiku olerki estiloaren sortzailea, poema molde horren maisu nagusitzat hartua da. Bashoren poemak hitz lauzko testuen artean ageri dira, egunkari edo bidaia kontakizunetan bereziki, eta une hautatuak, hunkipenak, gogoetak islatzen dituzte. Haren dizipulu anitzek maisuaren poema ugari bildu zuten: Bashoren eskolako zazpi bilduma (1774).