arte 2
Denbora hedadura bat noraino heltzen den adierazten duen hitza. Atzotik bihar arte. || (Orduekin). Lauretatik bostak arte. || (Aditzekin, laguntzaileak -(e)n atzizkia hartzen duela; laguntzailerik ez bada, aditzak era burutuan agertu behar du). Lana bukatu duen arte. || (Izen sintagmak, mugatzailea harturik). Astelehena arte ez da itzuliko. || (-(e)ra atzizkiaz, epearen hasiera eta bukaera adierazten direnean). 1914tik 1918ra arteko gerratea. || Artean. Arte. Zaude ni itzuli artean. || Adierazten den denboran. ik. anartean. Artean jaio gabea zen. || Arteraino, arteino. Arte, artean. Hil arterainoko denbora.
