Euskararen tresnak

Lur hiztegi entziklopedikoa

Kultura eta Hizkuntza Politika Saila

Arbelaitz, Hilario

Gipuzkoar sukaldaria (Oiartzun, 1945). Hogei urterekin, Ainhoako (Lapurdi) Iturri jatetxean hasi zen lanean. Urte asko eman zituen bertan eta ondoren bere jaiotetxera itzuli zen. Bere osabak eta aitak, 1940. urte inguruan, familiako baserriaren zati bat sagardotegi bihurtzea erabaki zuten. Pixkanaka Hilariok hartu zuen jatetxearen ardura eta sukaldaritzaren goi mailan kokatzen da, gaur egun, Zuberoa jatetxea. Gaur egun bera da jatetxe honetako sukaldariburua eta Jose Maria eta Eusebio Arbelaitz anaiak izaten ditu laguntzaile. Jatetxe honekin, Hilario Arbelaitzek Gastronomiako Sari Nazionala eskuratu zuen 1991. urtean, eta Euskadi Gastronomia saria, berriz, 1993an. Euskal sukaldaritzaren barruan sona handia hartu du azken urteetan Hilario Arbelaitzek.