Prem Chand
edo Premchand. (Jaiotza izenaz, Dhanpat Rai Srivastava) Indiako idazlea, (Lamati, Varanasi-tik hurbil, 1880 - Varanasi, 1936). Eleberri eta kontakizun liburu asko idatzi zituen hindu eta urdu hizkuntzetan. Gai sozialak eta politikoak erabiltzen zituen, Marxen eta Tolstoiren eraginpean. Obra nagusiak: Premashram (1922, Maitasunerako lekua), Rangabhumi (1924, Hareazko plaza), Ghaban (1928, Iruzurra), Karmabhumi (1931, Ekintzetarako plaza) eta Godan (1936, Behi baten oparia).
