Nicholson, Jack
Estatu Batuetako zinema antzezlea (Neptune, New Jersey, 1937). Gazte zela, 1960. urte inguruan, diru gutxiz egindako beldurrezko filmetan eta motozale banden filmetan parte hartu zuen; horietan garrantzi gutxi zuten paperak egin zituen, harik eta 1969. urtean Easy Rider filmak ospe handia eman zion arte. Geroztik hainbat film arrakastatsuren protagonista izan da, besteak beste: The Last Detail (1973), Chinatown (1974), One Flew Over the Cukoo’s Nest (1975); azken film horregatik Oscar saria irabazi zuen. Azken urteotan egindako filmen artean aipagarriak dira halaber: The Shining (1980), The Postman Allways Rings Twice (1981) eta Prizzi’s Honor (1985) Batman (1989); 1983. urtean Terms of Endearment filmaz, bigarren mailako aktore onenari dagokion Oscar saria irabazi zuen. Zuzendari lanak ere egin ditu Drive, He Said (1971) eta Goin’ South (1978) filmetan.
