Arreta Soziosanitarioa

1. – Hauek dira legearen helburuak:

   1. Euskadiko museo eta bildumak antolatu, onartu eta modu eraginkorrean kudeatzeko arau-esparrua finkatzea.

   2. Museo-sistema bat antolatzea koordinazio, lankidetza eta osagarritasun printzipioetan oinarrituta.

   3. Museo-ondarea babestu eta sustatzea, herritarren kulturarako eta hezkuntzarako eskubidea, berdintasunean oinarrituta, bermatzeko.

   4. Museoen ondarea babestea eta bultzatzea, herri legez gure historiaren eta garapen kulturalaren lekuko gisa, eta, aldi berean, errespetuzkoa eta harkorra euskal lurrean dauden agerpen kulturalekin.

2. – Aplikazio-eremua.

   Lege hau Euskadiko Autonomia Erkidegoan dauden museo eta bildumei ezarriko zaie, Estatuaren edo foru-aldundien titulartasuna dutenei izan ezik.

3. – Lankidetza-printzipioa.

   Euskal Autonomia Erkidegoko Administrazioak elkarlanean jardungo du Erkidegoko beste administrazioekin, Estatuko edo atzerriko beste erakunde publiko eta museoekin eta kultura-elkarteekin, betiere Euskadiko museo-azpiegiturak eta funtsak sustatu eta hobetzeko.

1. – Lege honen ondorioetarako museotzat joko dira baldintza hauek betetzen dituzten entitate iraunkorrak: irabazi-asmorik gabeak izatea; publikoarentzat irekita egotea; gizartearen eta horren garapenaren zerbitzura egotea eta historia, arte, arkeologia, paleontologia, antropologia, etnografia, etnologia, zientzia, teknika eta naturaren alorrean edo bestelako edozein kultura alorretan baliotsu diren multzo eta bildumak batu, eskuratu, kontserbatu, ordenatu, dokumentatu, ikertu, zabaldu eta erakustea modu zientifiko, estetiko eta didaktikoan, eta hori guztia helburu jakin batzuekin: ikertzea, heztea, gozatzea, begiestea eta zientzia eta kultura sustatzea.

2. – Halaber, museotzat joko dira historia, arkeologia, ekologia, industria, etnologia, natura edo kulturaren museo alorretan balioa duten espazio eta monumentuak edo ondasun higiezinak, baldin eta bertan kultura-ondasunak edo ondasun biziak bildu, kontserbatu eta zabaltzen badira.

3. – Bildumatzat joko dira jendeari etengabean eta modu koherente eta ordenatuan erakusten zaizkion ondasun higigarrien multzo egonkorrak, museoei lege honetan ezartzen zaizkien baldintza guztiak bete ez arren garrantzi edo balio kultural, tekniko edo zientifikoa eta dituzten funtsen inbentarioak eta kontserbazio eta zaintzarako neurriak baldin badituzte.

4. – Hauek izango dira museoen zereginak:

   1. Bere tutoretzapean zainduta dauden ondasunak biltzea, eskuratzea, kontserbatzea, inbentariatzea, katalogatzea, ikertzea, zaharberritzea eta era ordenatuan erakustea.

   2. Bildumak osatzen dituen ondasun material eta ez-materiala ikertzea, era berean kultura arloa eta dagozkien jakintzagaiak.

   3. Aldiro-aldiro, erakusketak eta zientzi, ikerketa eta zabalkuntza jarduerak antolatzea museoaren izaera eta espezialitatearen arabera.

   4. Beren funtsen monografiak eta katalogoak egitea eta argitaratzea eta argitalpen horiek sustatzea.

   5. Heziketarako jarduera didaktikoak eta kultura-zabalkundekoak egitea eta garatzea museoaren izaera eta espezialitatearen arabera.

   6. Estatutuetan edo lege-arauetan esleitzen zaizkien gainerakoak.

5. – Museoek bestelako kultura-jarduera osagarriak ere burutu ahal izango dituzte baldin eta nahikoa baliabide badute eta horrek lege honen arabera dagozkien zereginak normaltasunez burutzea eragozten ez badie.

6. – Lege honen ondorioetarako, nagusiki lege honetan aipatutako ezaugarri eta zereginak ez dituzten liburutegi, artxibo, hemeroteka, filmoteka eta kultura-instalazioak ez dira museo edo bildumatzat onartuko.

7. – Lege honen ezarpen-esparruari lotutako entitateek Euskadiko Autonomia Erkidegoan museo edo bilduma bat sortzeko beharrezkoa izango da, Museoen Aholku Batzordeak bere iritzia adierazi ondoren, Eusko Jaurlaritzan kultura alorreko eskumenak dituen saileko buruaren agindua, artikulu honetan ezarritako baldintzak betetzen direla egiaztatuta.

Euskadiko Autonomia Erkidegoko Administrazioari dagokio Eusko Jaurlaritzan kultura alorreko eskumenak dituen sailaren menpeko Museoen Zentroaren bidez egitea zeregin hauek:

1. Museoen inguruko politika eta horren lehentasunak diseinatzea eta antolatzea.

2. Euskadiko Museoen Sistema Nazionala kudeatzea.

3. Sisteman sartutako museo eta bildumen funtzionamendua koordinatzea, esleiturik dituzten helburuak bete ditzaten.

4. Museo eta bildumen antolamendua eta zerbitzuak ikuskatzea, indarrean dagoen legeria betetzen dutela ziurtatzeko.

5. Beste administrazio eta museoekin lankidetzan jardutea, Euskadiko museoen eta haien funtsen azpiegitura hobetzeko, jarduera-plan adostuak, antolatuak, koordinatuak eta osagarriak garatzen.

6. Euskadiko Museo eta Bildumen Erregistroa antolatu, eguneratu eta kudeatzea.

7. Euskadiko Museo eta Bildumetako Funtsen Inbentario Orokorra antolatzea eta eguneratzea.

8. Museo-ondarearen erregistroari, dokumentazioari eta babesari dagozkion arau teknikoak ematea.

9. Museoak inguruneko kultura- eta gizarte- jardueretan bultzatzea, integratzea eta txertatzea. Horretarako, lankidetza sustatuko da ikastetxeekin, ikerketa-zentroekin eta museoen helburu eta jarduera berdintsuak dituzten erakunde eta fundazioekin.

10. Museoetako langileen etengabeko prestakuntza sustatzea, baita jarduera-etikako kodearen sorrera bultzatzea ere.

11. Sisteman sartuta dauden museo eta bildumei aholkularitza eta laguntza teknikoa ematea, haien helburuak hobeto bete ditzaten.

12. Euskadiko museo eta bilduma guztietan erabili ahal izango den sistema informatiko bakarra sarean jartzea sustatzea eta ekimen horretan aurrendari izatea.

13. Ondarearen dokumentazio, ikerketa eta hedatze lanak sustatzea.

1. – Irizpide zientifiko eta teknikoen arabera ordenatzen eta sailkatzen diren testigantza material eta ez-materialek osatzen dituzte museo edo bilduma bateko funtsak.

2. – Lege honek ez du Euskadiko museo eta bildumetako funtsen titulartasuna aldatzen.

Hauek dira Euskadiko museo eta bildumen betebehar orokorrak:

1. Inskripzioa egiteko formalki ezarritako gutxieneko baldintzak betetzen jarraitzea.

2. Funtsen inbentarioa eguneratuta izatea.

3. Publikoari eta Eusko Jaurlaritzan kultura alorreko eskumenak dituen sailari zentroaren ordutegia eta horren aldaketak jakinaraztea. Gainera, ordutegia eta sarrera-prezioak sarreran jarriko dira, ondo ikusteko moduan.

4. Onetsitako ikertzaileei funtsak aztertzeko erraztasunak ematea eta sustatzea.

5. Administrazioari instalazioak, dokumentuak eta funtzionamendua ikuskatzeko aukera ematea.

6. Entitatearen jarduera, antolaketa eta funtzionamenduari buruzko estatistika eta informazio datuak biltzea eta Eusko Jaurlaritzan kultura alorreko eskumenak dituen sailera bidaltzea.

7. Funtsen segurtasuna eta kontserbazioa bermatzea.

8. Instalazioetan, erakusketetan, seinalizazioan, museo-jardueretan eta erabiltzaileen harreran Euskadiko Autonomia Erkidegoko hizkuntza ofizial biak erabiltzen direla bermatzea eta, ahal dela, beste hizkuntza batzuk ere erabiltzea, Europar Batasuneko beste herritarrek eta munduko beste herrialdeetakoek ere erabili eta ulertu ahal izan ditzaten.

9. Jarduera-etikako kodeari jarraitzea.

1. – Euskadiko museo eta bildumetako zuzendaritzako kideek eta teknikariek beren zereginetarako behar dituzten oinarrizko espezializazio-baldintza profesionalak bete beharko dituzte. Baldintza horiek erregelamenduz ezarriko dira.

2. – Titulartasun publikoko museo eta bildumetako langileek eta, baldin badaude, kide anitzeko zuzendaritza- eta kudeaketa-organoetako kideek ezin izango dute merkataritza-jarduerarik burutu museo edo bildumako edukiari lotutako kultura-ondare higigarriekin, ez beren kabuz, ez hirugarrenen bitartez.

1. – Euskadiko museo eta bildumek eskariaren araberako ordutegi orokor egonkor bat eskaini behar dute bisitarientzat, baita ikertzaileak sartu ahal izateko ordutegia ere. Euskadiko Museoen Sistema Nazionaleko museo eta bildumetako bisita-ordutegiak erregelamenduz gutxienekotzat jotzen dena bermatu beharko du.

2. – Euskadiko museo eta bildumek sarrera- eta bisita- baldintza egokiak ezarriko dituzte beren funtsen segurtasun eta kontserbazioa bermatzeko, funts horiek behar bezala erakutsi eta ikusi ahal izango direla ziurtatzeko eta entitatearen berezko zereginak behar bezala burutu ahal izateko. Ezin izango dira, inola ere, zuzenean edo zeharka diskriminatzaileak diren baldintzak ezarri; erakusketentzat edo instalazioentzat arrisku larria egon daitekeenetan, salbuespenez, harrera-eskubidea gorde ahal izango da.

3. – Astean behin gutxienez Erkidegoaren titulartasunpeko museoetara sartzea doakoa izango da herritar guztientzat, bertan gordetzen diren ondasunak kontserbatzeko edo erakundearen beraren egitekoa dela-eta ezar daitezkeen murrizketak eragotzi gabe.

4. – Euskadiko museo eta bildumek beren instalazioak egokituko dituzte, eraikinen balioak errespetatuz, mugikortasun murriztua edo minusbaliotasun fisikoa duten pertsonei sarbidea errazteko, betiere Euskadiko Autonomia Erkidegoan aplikagarri den legeriaren arabera.

1. – Horren beharra egiaztatzen dutenean, edo beste erakunderen batekin sinatutako akordioaren bidez, Euskadiko Museoen Sistema Nazionaleko museo eta bildumek kultura-ondarea osatzen duten ondasunak jaso ahalko dituzte gordailuan, betiere horiek gordetzeko duten ahalmenaren eta sortze beretik dituzten helburuen arabera.

2. – Museo edo bilduma jasotzaileak zeintzuk izango diren Eusko Jaurlaritzan kultura alorreko eskumenak dituen sailak erabakiko du hurbiltasun-irizpideen eta gai-espezialitateen arabera eta kontuan hartuta materialak non kontserbatuko diren egokien eta zientzia eta kultura funtzioa non beteko duten ondoen.

3. – Autonomia Erkidegoaren titulartasunpeko museoetan gordailatzea Eusko Jaurlaritzan kultura alorreko eskumenak dituen sailaren ebazpen baten bitartez egingo da. Ebazpen horretan hauek adieraziko dira: gehienezko gordailatze-epea, gordailatutako ondasunaren deskribapena, non erakutsiko den eta kontserbazio eta segurtasunerako betekizun teknikoak.

4. – Gainerako museoetan, gordailatzeak hitzarmen edo kontratu bidez egingo dira, kasuan kasu, eta aurreko idatz-zatian zehaztutakoa adieraziko da.

1. – Instalazioen akatsengatik, indarrean dagoen araudia ez betetzeagatik edo edozein eratako aparteko gorabeherengatik museo edo bilduma bateko funtsen kontserbazioa, segurtasuna edo irisgarritasuna arriskuan badago, Eusko Jaurlaritzan kultura alorreko eskumenak dituen sailak funts horiek beste museo batean edo batzuetan gordailatzeko xeda dezake erabaki hori eragin zuten arrazoiak desagertu arte. Hori egin baino lehen, ordea, titularrak bere iritzia adierazi ahal izango du.

2. – Museo edo bilduma bat itxi edo desegiten bada edo ixten badute, Eusko Jaurlaritzan kultura alorreko eskumenak dituen sailak funtsak beste museo batean edo batzuetan gordailatzeko xeda dezake, betiere museoaren titularrarekin adostasuna lortu ondoren, eta interesa izan lezaketenen iritzia entzun ondoren. Museo hartzaileak egokia izan behar du gordailatuko diren ondasunetarako eta, hori aukeratzeko orduan, kontuan hartuko da hurbiltasun geografikoa. Gordailatutako funtsak jatorrizko museo edo bildumara itzuliko dira erabaki eta akordio horiek hartzea eragin zuten arrazoiak desagertzen direnean.

1. – Euskadiko museo eta bildumetako funtsei dagokienez, jabetza edo edozein eskubide erreal kostu bidez eskualdatzen bada, Eusko Jaurlaritzan kultura alorreko eskumenak dituen sailak lehentasunez erosteko eta atzera eskuratzeko eskubideak erabili ahal izango ditu.

2. – Lehentasunez erosteko eta atzera eskuratzeko eskubideak Euskal Kultura Ondarearen Legean adierazitakoaren arabera erabiliko dira.

1. – Titularrek ez badute betetzen museoak eta bildumak eta horien funtsak babestu, mantendu, zaindu eta kontserbatzeko obligazioa, edo Eusko Jaurlaritzaren berariazko baimenik gabe horien erabilera aldatu dutelako funtsak hondatu, galdu edo suntsitzeko arriskuan jartzen badituzte, hori gizarte-intereseko arrazoia izango da desjabetzeko.

2. – Halaber, Euskadiko Museoen Sistema Nazionaleko museoak sortu, handitu, hobetu edo seguruago bihurtzeko lurra edo eraikinak behar direnean, desjabetzea erabili ahal izango da, baita museoen alboan dauden higiezinak helburu berbererako eskuratu behar direnean ere.

1. – Euskadiko museo edo bilduma bateko funtsak edozein bitarteko erabiliz erreproduzitu ahal izateko, baldintza hauek bete behar dira: kultura-ikerketa eta zabalkuntzaren mesederako izatea, egileen jabetza intelektualeko eskubideak errespetatzea, isilpeko informazioaren zabalkundea kontrolatu, lanaren kontserbazioa bermatzea eta museo edo bildumako ohiko jarduera ez eragoztea.

2. – Euskadiko museo edo bilduma bateko funtsen kopiak eta erreprodukzioak egiteko baimena museo edo bildumaren titularrak eman beharko du. Gordailuen kasuan, gainera, gordailuen titularren adostasuna beharko da.

3. – Museo edo bilduma bateko funtsen kopia eta erreprodukzioetan kopia direla adierazi behar da, eta jatorria aipatu.

1. – Zaharberritze-lanak egin behar direnean, erregelamendu bidez ezartzen diren espezializazio-baldintzak betetzen dituzten profesionalek egin behar dituzte.

2. – Zaharberritze-lan bakoitzak bere proiektua eta txostena izan beharko ditu. Bertan, zaharberritu beharreko ondasunean egiten diren esku-hartze guztiak jasoko dira.

1. – Euskal Kultura Ondarearen Legean ezarritakoez gain, museo eta bildumen alorreko arau-hauste administratibotzat joko dira lege honetan ezarritako betebehar eta obligazioak urratzen dituzten egitateak, egitezkoak zein ez-egitezkoak.

2. – Arau-hausteak oso larriak, larriak edo arinak izan daitezke.

1. – Arau-hauste oso larriak:

   Lege honetako manuak urratzen dituzten egitezko zein ez-egitezko egitateak, baldin eta, horien ondorioz, lege honen menpeko museo edo bildumetako funts guztiak edo zati bat galtzen badira edo horietan kalte konponezinak sortzen badira.

2. – Arau-hauste larriak:

   1. Lege honen menpeko museo eta bildumetako funtsen segurtasuna eta kontserbazioa bermatzeko obligazioa ez betetzea.

   2. Lege honen menpeko museo edo bildumetara sartzeko orduan, edozein eratako diskriminazioa ezartzea.

   3. Lege honen menpeko museo edo bildumetan Administrazioaren ikuskatze-ahalmena eragoztea.

   4. Euskadiko museo edo bilduma izendapen ofiziala baimenik gabe erabiltzea.

   5. Euskadiko Museoen Sistema Nazionalean sartutako edo onartutako museo edo bildumen berezko marka eta bereizgarriak baimenik gabe erabiltzea.

   6. Lege honetako manuak urratzen dituzten egitezko zein ez-egitezko egitateak, baldin eta, horien ondorioz, lege honen menpeko museo edo bildumetan konponezinak ez diren kalte edo hondaketak sortzen badira.

3. – Arau-hauste arinak:

   1. Lege honen menpeko zentroetako funtsen inbentarioa ez egitea eta eguneratuta ez mantentzea.

   2. Euskadiko Museoen Sistema Nazionaleko kide direla ez agerraraztea.

   3. Lege honen menpeko Euskadiko museo eta bildumek beren funtsen inbentarioa eguneratuta ez edukitzea.

   4. Lege honen menpeko Euskadiko museo eta bildumek publikoari eta Eusko Jaurlaritzan kultura alorreko eskumenak dituen sailari zentroaren ordutegia eta horren aldaketak ez jakinaraztea, edo ordutegia sarreran eta ondo ikusteko moduan ez jartzea.

   5. Lege honen menpeko Euskadiko museo eta bildumek funtsak aztertzeko erraztasunik ez ematea onetsitako ikertzaileei.

   6. Lege honen menpeko Euskadiko museo eta bildumek Euskal Autonomia Erkidegoko Administrazio orokorrari beren instalazioak, dokumentuak eta funtzionamendua ikuskatzeko aukera ez ematea.

   7. Lege honen menpeko Euskadiko museo eta bildumek beren jarduera, antolaketa eta funtzionamenduari buruzko estatistika- eta informazio-datuak ez biltzea eta Eusko Jaurlaritzan kultura alorreko eskumenak dituen sailari ez bidaltzea.

1. – Zehapen hauek ezarriko dira:

   1. Arau-hauste arinen kasuan, 60.000,00 euro arteko isuna jarriko da.

   2. Arau-hauste larrien kasuan, 60.001,00 euroko isuna jarriko da gutxienez eta 150.000,00 eurokoa gehienez.

   3. Arau-hauste oso larrien kasuan, 150.001,00 euroko isuna jarriko da gutxienez eta 500.000,00 eurokoa gehienez.

2. – Zehatzeko ebazpenean, kasuan kasuko isuna ezartzeaz gain, zehapen-espedientea eragin duen jarduerak urratu duen legeria leheneratzeko neurri guztiak ere adieraziko dira.

1. – Lege honetan aurreikusitako arau-hausteen erantzuleak dira arau-hauste horiek egiten dituzten pertsona fisiko zein juridikoak.

2. – Agerian nahiz isilbidez arau-haustea egiten utzi eta hura eragozteko hartu beharreko neurriak hartzen ez dituzten museoen, edo beren bildumen, edo beren funtsen zati baten titularrak ere erantzule izango dira.

   30 artikulua.– Erantzukizuna aldatzen duten egoerak.

   Erantzukizuna arintzen edo larritzen duten egoerak hauek izango dira:

   1. Arau-haustearen ekintzaren edo ez betetzearen xede izan den ondasunaren balioa.

   2. Museoaren edo bildumaren funtsean eragindako kaltea.

   3. Arau-haustearekin lortutako etekina.

   4. Eragindako kalteak unean bertan konpontzea eta erantzulea arau-haustearen ondorioak murrizten laguntzeko prest azaltzea.

   5. Berriro egitea.

1. – Euskadiko Museoen Aholku Batzordea sortzen da, lege honetan finkatutako eskumen eta aginpideak gauzatzearekin zerikusia duten gaietan Eusko Jaurlaritzaren organo aholkularia izan dadin.

2. – Hauek dira Euskadiko Museoen Aholku Batzordearen funtzioak:

   1. Informazioa ematea museoen sistemaren inguruan eta museoen garapenaren inguruan egiten zaizkion galderei erantzunez.

   2. Informazioa ematea museoak eta bildumak onartzearen inguruan eta sisteman sartzearen inguruan.

   3. Informazioa ematea museo eta bildumen onarpena baliogabetzearen inguruan.

   4. Informazioa ematea Museoei buruzko Legea garatzean ematen diren legezko xedapenen inguruan.

   5. Museoen alorrean jarduteko proposamenak egitea.

   6. Legez edo erregelamenduz esleitzen zaizkion gainerako guztiak.

3. – Batzordearen osaera erregelamendu bidez arautuko da. Osaeran, Euskadiko Museoen Sistema Nazionalean inplikatutako sektore eta erakunde guztiek parte hartzen dutela bermatuko da.

2. – Museo eta bildumetako funtsen erlijio-erabilera erlijio desberdinen ordezkariekin adostuko da.

Beraz, Lege honi men egiteko eta men eginarazteko agintzen diet, norbanako zein agintari direla, Euskadiko herritar guztiei.

Vitoria-Gasteizen, 2006ko abenduaren 5ean.

Lehendakaria,