Arreta Soziosanitarioa

Plangintza sektoriala garatzea eta tresna sektorialak artikulatzea. JA.S.E.G.E.-a, bera oinarritzen duen legearen arabera, egitamu sektorialetan garatzen da, eta egitamuok Administrazio eskudunek idatzi eta Eusko Jaurlaritzak onartzen ditu. Era berean, jarduketak administrazio hauek finantzatzen dituzte. Ezinbestekoa da, beraz, egitamu sektorialak egiten hastea; izan ere, JA.S.E.G.E.-ak egitamu horiei buruzko agiri bat egin du, eta agiri horren balio nagusia partehartzearen oinarria izatea eta bertako ikuspegia nahiz proposamenak biltzea da. Sektore bakoitza kudeatuko duen gune bat egongo da (eta ez badago, sortu egingo da). Gune horren buru Administrazio eskuduna izango da, eta gune horrek aukera eman beharko du barrukoek parte hartzeko eta sektore hori garapen ekonomikoan sartzeko.

JA.S.E.G.E.-aren jarraipenerako batzordea. Erakundeen arteko koordinazio tresna da. JA.S.E.G.E.-aren egitamuei nahiz garapen egitarauei buruzko informazioa ematen du, baita Biosfera Erreserba barruko gizarte nahiz ekonomi edukia duten jarduketa sektorialen koordinazioari buruzkoa ere. JA.S.E.G.E.-aren Jarraipenerako Batzordea ondokoek osatzen dute: Eusko Jaurlaritzak, Bizkaiko Foru Aldundiak eta Urdaibaiko Udalek, JA.S.E.G.E.-aren Jarraipenerako Taldean parte hartzen duen ordezkaritzan oinarrituz. Urdaibaiko Patronatuak proposamen hau aurrera eramateko euskarria jarriko du, horretarako egitura berriak itxuratu barik; horrela, JA.S.E.G.E.-aren Ebaluaziko Agendarekin osatuko da. Agenda hau partehartze eta azterketa foro izango da, eta, bertan, Egitarauan parte hartu duten agenteak egongo dira (profil teknikoko erakundeetako langileak, elkarteak, enpresak, etab.). Hori guztia adierazleen ebaluazioko aldizkako txosten batean jasoko da, eta txosten hori kanpoko jendea kontratatuz eginiko batzar batean egiaztatuko da.

Euskaltzaindiaren D tituluaren jarraipen gisa Euskararen Gaitasun Agiria (EGA) sortu zenetik (1982/4/22ko Agindua, 1982/5/4ko EHAAn argitaratua eta 1982/9/20ko Agindua, 1982/11/6ko EHAAn argitaratua) hainbat baliokidetza ezarri izan zaizkio urteetan zehar Agiri honi, beste hainbat arau-xedapenen bidez, esate baterako Euskal Filologiako karrerarekin, hizkuntza eskola ofizialetako euskal ikasketen gaitasun-mailarekin eta abar. Xedapen horiek data desberdinetako testuetan barreiaturik daude, ordea, eta gertaera horrek bilatze-lana zaildu egiten du. Horregatik, arauzko erabaki horiek bildu egin dira dekretu honetan, erreferentzia bakar bat eskaintzeko. Biltzeaz gainera, zenbait kasutan eguneratu ere egiten da oraingoan baliokidetza horien balio-esparrua.

Bestetik, Euskal Irakasleen Kidegoei buruzko 2/1993 Legeak bere 53.2 atalean ezarritakoaren arabera Hezkuntza, Unibertsitate eta Ikerketa Sailak ematen dituen hizkuntzazko egiaztagiri desberdinak irakasleen hizkuntz eskakizunekin baliokidetzeko eta parekatzeko sistema egoki bat ezarri beharra zegoen. Martxoaren 9ko 47/1993 Dekretuaren bidez egin zen lehenik baliokidetze hori. Dekretu horren indar-hartze eguna, 1993ko apirilaren 3a, baliokidetza horien azken muga-egun ere bilakatu zen ordea. Gero, muga horrek zekartzan arazoak konponbidean jartzeko martxoaren 10eko 42/1998 Dekretua eman zen, aurrekoa (47/1993koa, alegia) aldatuz eta EGAren eta bere parekoen baliokidetzarako muga-egun berri bat ezarriz: 1998ko abenduaren 31koa hain zuzen ere.

Era berean, kontuan hartzekoa da apirilaren 15eko 86/1997 Dekretuak, EAEko herri-administrazioetan euskararen erabilera normaltzeko prozesua arautzen duenak, bere 41. atalean baliokidetza batzuk ezartzen dituela bere esparruan.

42/1998 Dekretuak agintzen duenaren ildotik, bestalde, HE2ko curriculuma eta irizpideak berrikusteko azterlana egin berria du Hezkuntza, Unibertsitate eta Ikerketa Sailak. Horren ondorioz, egoki ikusi da aurreko bi dekretuek ezartzen zuten EGAren eta Irakasleen HE2ren arteko baliokidetza berretsi eta finkotzat ematea.

Bestetik, garai bateko IGA, GUMA eta EIT ez dira dekretu honen xedapen-zatian aipatzen. Horiek irakasleen kasuan kasuko hizkuntz eskakizunarekin baliokidetzeko aukera 47/1993 Dekretuan finkatu zen, 42/1998 Dekretuaren idazkuntzaren arabera zehaztu zelarik, eta zehaztapen-lan horri jadanik amaiera eman zaio. Gaur egun ez da, gainera, ez IGArik eta ez GUMArik luzatzen.

Azkenik, HE1en kasuan ere oinarrizko baliokidea finkatu nahi izan da dekretu honen bidez.

Ondorioz, Hezkuntza, Unibertsitate eta Ikerketa sailburuaren eta Kultura sailburuaren proposamenez, Jaurlaritzaren Kontseiluak 1998ko urriaren 6an egindako bilkuran berariaz aztertu eta onartu ondoren hauxe