Herritarren parte-hartzea

Parte hartzeko bideak

Eusko Jaurlaritzaren Herritarrentzako Zerbitzuak (Zuzenean) herritarrei beren iritziak emateko aukera eskaintzen die, honako bide hauen bitartez:

• Formalki (Kexa eta Iradokizunen Sistema Korporatiboaren bidez):
  • Aurrez aurre: Iradokizun, kexa edo esker-emate bat aurkez dezakezu Zuzenean zerbitzuko aurrez aurreko arreta-bulegoetako batean, eskaera-eredu (PDF, 173 KB) honen bidez.
  • Internet bidez: Inprimaki elektroniko honen bidez (Identifikazio elektronikoko bitarteko baliodun bat beharrezkoa da). 
• Informalki:
  • Euskadi.eus-en dagoen postontziaren bidez.

Erantzuteko epea

Zuzenean zerbitzuak zuzenean ematen dituen zerbitzuei buruzko kexa eta iradokizun guztiei erantzuteko konpromisoa hartzen du.

Euskadi.eus postontziaren bidez jasotako kexa eta iradokizunei erantzuteko, 10 egun balioduneko epea egongo da, arloaren arabera eskaera helarazi zaion organo eskudunak kexa edo iradokizuna jasotzen duenetik zenbatzen hasita (91/2023 DEKRETUA, ekainaren 20koa, herritarrei arreta integral eta multikanala ematekoa eta zerbitzu publikoak bitarteko elektronikoz irispidean izatekoa , 118.5. artikulua)

Espektatiba eta gogobetetasunaren azterketa

Gainera, urtero, Zuzenean zerbitzuak ematen dituen zerbitzuei buruzko espektatibak eta gogobetetzea modu independentean aztertzen dira, herritarrentzako ezaugarri garrantzitsuenak identifikatzeko aukera emanez.