Mahaiko kideen gida
Agiriak prestatzea eta ematea
- Hauteskunde-dokumentazioa 4 gutun-azaletan banatzea epaitegira eramateko
- Hauteskunde-dokumentazioa epaitegira eramatea
Hauteskunde-dokumentazioa 4 gutun-azaletan banatzea epaitegira eramateko
Zenbaketa lanak amaitu eta gero, mahaiko kideek hauteskundeen inguruko dokumentazioa lau gutun-azaletan banatuko dute, eta bakoitzean inprimaki hauek sartuko dira:
1. gutun-azala (marroi kolorekoa)
- Hauteskunde-mahaiaren eraketa-aktaren jatorrizkoa.
- Bilkura-aktaren jatorrizkoa.
- Mahaiko hautesle-erroldaren zerrenda ziurtatuak.
- Boto-emaileen zerrenda zenbakiduna.
- Balioa ukatutako edo erreklamazioren bat izandako boto-txartelak.
- Hautesleek aurkeztutako errolda-ziurtagiri bereziak eta epai judizialak.
- Mahaiburuak jasotako taloi-orriak edo izendapenaren kopiak, artekariak izendatzearen ingurukoak, eta horiek ezean, mahaiari emandako egiaztagutunak.
2. gutun-azala (marroi kolorekoa):
- Hauteskunde-mahaiaren eraketa-aktaren hitzez hitzeko kopia.
- Bilkura-aktaren hitzez hitzeko kopia, mahaiak egiaztatua eta baimendua.
3. gutun-azalak (marroi kolorekoa)
2.aren dokumentazio bera jasoko du eta, hala badagokio, atzerritik egindako posta bidezko botoaren frankeo-gastuak itzultzeko inprimakia, mahaian jasotakoa.
4. gutun-azalak (marroi kolorekoa)
2.aren dokumentazio bera jasoko du.
Hauteskunde-dokumentazioa epaitegira eramatea
Mahaiko lehendakariak, bokalek eta artekariek 4 gutun-azalak sinatuko dituzte ixteko zatia gurutzatuz. Jarraian, mahaiko kideak eta nahi duten artekariak, dokumentazioa hartuta, mahaiari dagokion mugapeneko Lehen Auzialdiko Epaitegira edo Bake Epaitegira joango dira lau gutun-azalak eramatera.
Epaileak lau gutun-azalak sinatuko ditu gutun-azala irekiko den zatia gurutzatuz.
Ondoren, epaileak aurkeztutako dokumentazioaren hartu-agiria egingo dio mahaiko lehendakariari; agiri horretan zein egun eta ordutan entregatu ziren 4 gutun-azal zenbakidunak adieraziko da.
