Ingeniaritza-teknikak baliatzen dira; beste beste, landaketak
eta egitura bigunak egiten dira, higatutako edota artifizialdutako
ibilgu eta erriberak berreskuratzeko.

Tokian tokiko erriberako espezieak landatzen dira ingurunea
hobetzeko; eta, bestalde, eremu populatuetan, ibilgutik erauzi
egiten dira ur askoko sasoietan arazoak sor litzaketen
metaketak edota unean uneko landaredia. Era berean,
ibai-ekosistemako baldintza geomorfologikoak, habitaten
babesa, arrain-espezieak eta biodibertsitatea hobetzeko
kontserbazio-teknikak sartzen dira.

Xedea da ibai-eremuetan hedatzeko gaitasun handia duten
espezie inbaditzaileak hedatzea galaraztea, edota, ahal den
neurrian, behintzat, murriztea: beren-beregi, erriberako
landaredi autoktonoa erauzi den eremuetan.

Ibaia hazten denean, garraiatzeko ahalmena ere handitu
egiten du: enborrak, harriak, hondarrak eta bestelakoak
garraiatzen ditu ibaian behera. Urak bere onera ostera
ere itzulitakoan, metatu diren material horiek guztiak
erauzi behar dira; batez ere, balizko ur-goraldi berriek
arazoak sor litzaketen eremuetatik. Azkenik, gogoratu,
landaredi edo sedimentuek hainbat igarobide-lanetan edota
zubi, presatxiki, gainezkabide edo igarobideak bezalako
azpiegituretan sortutako buxaduren kasuan Jabari Publiko
Hidraulikoaren Erregelamenduaren 126 ter artikuluak ezartzen
duenaren arabera igarobide edo azpiegituraren titularrari
egokituko zaiola haren mantentzea eta, ondorioz, ur-hustuketa
ahalmena gutxitu dezaketen buxadurak kentzea.