Lurralde Plangintza eta Hiri Agenda

Agindu honen xedea babes publikoko etxebizitzen araubide juridikoari eta etxebizitzaren eta lurzoruaren inguruko finantza neurriei buruzko 39/2008 Dekretuaren 41.f artikulua partzialki garatzea da.

Agindu honen ondorioetarako, hutsik dauden etxebizitza libre berrien titular diren sustatzaile pribatuek Etxebizitza Alokairuetarako Sozietate Publikoa SAri etxebizitza horiek zuzenbidera egokitutako edozein tituluren bidez eta etxebizitzan lehen maizterra sartu eta gutxienez bost urteko eperako lagatzea hartuko da jardun babesgarritzat.

1. Honako baldintza hauek bete beharko dituzte etxebizitzek:

   1. Sustatzaile pribatuen titulartasunpekoak izatea, eta aldez aurretik lehen eskualdaketarako edo etxebizitza gisa erabili ez izana.

   2. Sukalde osoa izatea; honako hauekin hornituta dagoena hartuko da halakotzat: armairu altuak eta baxuak, gaineko sukaldea, hozkailua, labea, garbigailua, bitrozeramika, harraska eta ke-kanpaia.

   3. Ondare urbanizatua eta eraikia birgaitzeko jardun babesgarriei buruzko abenduaren 30eko 317/2002 Dekretuaren IV. eranskinean ezarritako gutxieneko bizigarritasun-baldintzak betetzea.

2. Alokairu-eskari handirik ez duten udal-mugarteetan edo eskualdeetan kokatuta daudenak eta ingurunea dela-eta nekez aloka daitezkeenak ez dira onartuko.

1. Etxebizitza Alokairuetarako Sozietate Publikoa SA sozietate publikoak etxebizitzaren merkatu-errentari buruzko tasazio-txostena egingo du, Etxebizitza Hutsaren Programa sustatu eta bultzatzen duen, programa horren araubide juridikoa ezartzen duen eta Etxebizitza Alokairuetarako Sozietate Publikoa SAri programa kudeatzeko ardura ematen dion abenduaren 30eko 316/2002 Dekretuan eta hori garatzeko araudian ezarri bezala.

2. Adierazitako merkatu-errenta tasatua hileko 450 euro edo handiagoa denean, gehieneko diru-laguntza 450 euro izango da (60 hilekotan).

3. Adierazitako merkatu-errenta tasatua hileko 450 euro baino txikiagoa denean, diru-laguntza errenta tasatu horren zenbatekoa izango da (60 hilekotan).

4. Sustatzaile pribatu bakoitzak gehienez ere hamabi etxebizitza laga ahal izango dizkio Etxebizitza Alokairuetarako Sozietate Publikoa SAri.

1. Etxebizitzako Plangintzaren eta Prozesu Era-gileen Zuzendaritzari igorriko zaizkio eskaerak, Herri Administrazioen Araubide Juridikoaren eta Admi-nistrazio Prozedura Erkidearen azaroaren 26ko 30/1992 Legearen 38.4 artikuluan aurreikusitako moduen arteko edozeinetan.

2. Eskaerarekin batera, eskatzailearen nortasuna eta, hala badagokio, daukan ordezkaritza egiaztatuko duen dokumentazioa igorri beharko da, baita honako dokumentazio hau ere:

   1. Etxebizitzaren titulartasuna egiaztatuko duen dokumentazioa, eta sustapenaren zatiketa horizontala egin izana egiaztatuko duena.

   2. Agindu honen 3. artikuluan ezarritako baldintzak bete direla egiaztatuko duen dokumentazioa.

   3. Etxebizitzaren titularra den erakunde sustatzaileak zerga-betebeharrak egunean dituela egiaztatuko duen dokumentazioa, Euskal Autonomia Erkidegoaren Aurrekontu Orokorren pentzutan diru-laguntzak eskuratu dituztenek zerga-arloko obligazioak bete dituztela egiaztatzeari buruzko Ogasun eta Finantzetako sailburuaren 1991ko urriaren 7ko Aginduan ezarrita-koari jarraiki, eta Gizarte Segurantzarekiko betebeha-rrak bete dituela egiaztatuko duen dokumentazioa.

   4. Pertsona edo erakunde eskatzailea zigor- eta administrazio-arloan diru-laguntza edo laguntza publikoak lortzeko aukera galtzearekin zigortuta ez dagoela eta hartarako ezgaitzen duen legezko debekuren baten eraginpean ere ez dagoela dioen zinpeko aitorpena edo erantzukizun-aitorpena (sexu-diskriminazioaren ondoriozko debekuak barnean hartuta daude, Emakumeen eta Gizonen arteko Berdintasunerako otsailaren 18ko 4/2005 Legearen Seigarren Azken Xedapenenean xedatutakoari jarraiki).

   5. Beste erakunde batzuei helburu berarekin emandako edo eskatutako laguntzen kopuruak jasoko dituen erantzukizun-aitorpena, zenbatekoa adierazita. Beste laguntzarik izan ezean, zirkunstantzia hori jasoarazi egingo da.

   6. Aribideko zergaldian eta aurreko bietan emandako minimis laguntzen kopuruak jasoko dituen erantzukizun-aitorpena. Beste laguntzarik izan ezean, zirkunstantzia hori jasoarazi egingo da. Horretarako, hiru zergalditan Estatuko eta nazioarteko ezein administrazio edo erakunde publikotatik minimis laguntzarik jaso ez izana egiaztatuko duen erantzukizun-aitorpena aurkeztu beharko da.

   7. Organo eskudunaren ustez egindako eskaera ebazteko beharrezkoa den beste edozein dokumentu.

1. Etxebizitzako Plangintzaren eta Prozesu Eragileen zuzendariari dagokio diru-laguntzaren eskaera ebaztea.

2. Etxebizitzako Plangintzaren eta Prozesu Eragileen Zuzendaritzak aurkeztutako eskaeran akatsen bat dagoela edo gaizki adierazita dagoela, edo aurkeztu beharreko dokumenturen bat falta dela ikusten badu, eskatzaileari jakinarazi eta 10 eguneko epea emango dio arazoa konpontzeko edo falta dena aurkezteko. Halaber, hori egin ezean eskaerari uko egin diola ulertuko dela adieraziko dio, Ebazpena Herri Administrazioen Araubide Juridikoaren eta Administrazio Prozedura Erkidearen 30/1992 Legearen 42. artikuluan ezarritako moduan idatzi beharrekoa eman ondoren.

3. Ebazpena eman eta jakinarazteko gehieneko epea sei hilabetekoa izango da, eskaera aurkeztu eta hurrengo hilabetetik aurrera zenbatzen hasita. Aipatutako epe horretan esanbidezko ebazpenik ez emateak baiespena eman zaiola esan nahiko du.

4. Ebazpenak berariaz erabakiko ditu honako alderdi hauek:

   1. Etxebizitza lagatzeko epea.

   2. Etxebizitza Alokairuetarako Sozietate Publikoa SAren alde egindako lagapena formalizatzeko gehieneko epea.

   3. Diru-laguntzaren zenbatekoa.

5. Etxebizitza bakoitzeko diru-laguntzarako es-leitu beharreko gehieneko zenbatekoa finkatzeko, Etxebizitzako Plangintzaren eta Prozesu Eragileen Zuzendaritzak bidezko tasazio-txostena jaso beharko du Etxebizitza Alokairuetarako Sozietate Publikoa SAtik, Agindu honen 4. artikuluan xedatutakoari jarraiki. Etxebizitzako Plangintzaren eta Prozesu Era-gileen Zuzendaritzak egindako errekerimendua jaso eta gehienez ere hiru hilabeteko epean igorri beharko du adierazitako txostena Etxebizitza Alokairuetarako Sozietate Publikoa, Sak.

6. Euskal Autonomia Erkidegoko Administrazio Orokorrak edo haren erakunde autonomoek emandako izaera bereko laguntzen edo diru-laguntzen esparruan hasi den eta oraindik bideratzen ari den itzultzeko edo zigortzeko prozedura oro amaitu egin beharko da diru-laguntza emateko eta, hala badagokio, ordaintzeko.

7. Laguntzak ematen edo ukatzen dituen Etxe-bizitzako Plangintzaren eta Prozesu Eragileen zuzen-dariaren ebazpenaren aurka egiteko, gora jotzeko errekurtsoa jarri ahal izango zaio Etxebizitzako sailburuordeari.

Agindu hau aplikatuta lortutako etxebizitzak Etxebizitza Alokairuetarako Sozietate Publikoa SAk hautatu eta esleituko ditu. Horretarako, Etxebizitza Hutsaren Programa sustatu eta bultzatzen duen, programa horren araubide juridikoa ezartzen duen eta Etxebizitza Alokairuetarako Sozietate Publikoa SAri programa kudeatzeko ardura ematen dion abenduaren 30eko 316/2002 Dekretuan eta hori garatzen duen Etxebizitza eta Gizarte Gaietako sailburuaren 2003ko apirilaren 22ko Aginduan (hots, Etxebizitza Hutsaren Programaren lagapen-baldintzei eta esleipen-prozedurari buruzkoan) ezarritako prozedura erabiliko du.

Diru-laguntza ordainketa bakarrean emango da, etxebizitzaren titularra den erakunde sustatzailearen eta Etxebizitza Alokairuetarako Sozietate Publikoa SAren artean izenpetutako lagapen-dokumentua Etxebizitzako Plangintzaren eta Prozesu Eragileen Zuzendaritzari aurkeztu ondoren.

Agindu honetan aurreikusitako laguntzak batera-garriak izango dira beste administrazio publiko batzuek helburu berarekin emandako beste edozein lagun-tzarekin.

Beste laguntza batzuk jasoz gero, Agindu honetan araututakoak murriztu egingo dira, sustatzaile bakoitzak jasotako laguntzen guztizko kopuruak Agindu honen 4. artikuluan ezarritako mugak ez gainditzeko behar den zenbatekoan, hain zuzen ere. Horretarako, 6. artikuluan aurreikusitako ebazpena aldatuko da.