Lurralde Plangintza eta Hiri Agenda

Konstituzio Epaimahaiak, 1997ko martxoaren 20an emandako epaiaren bidez, balio barik utzi zituen Lurzoruaren Araubide eta Hiri Antolamenduari buruzko Legearen Testu Bategina onartzen duen ekainaren 26ko 1/1992 Legegintzako Errege Dekretuaren zenbait atal; eta Eusko Legebiltzarrak, horren ostean, apirilaren 25eko 3/1997 Legea onartu zuen, Hirigintza Ekintzak Sortutako Gainbalioetan Elkarteak izan behar duen Partaidetza Zehazten duena, alegia.

Lurraren Araubideari eta Balorazioei buruzko Legeak, alabaina, partaidetza horren gehienezko portzentaia aldatu du, eta, ondorioz, ez dator bat Eusko Legebiltzarraren 3/1997 Legeak finkatutakoarekin. Izan ere, gai hori arautzen duten arauak aplikatzerakoan legezko segurtasuna bermatu behar denez, aldatu egin behar da 3/1997 Legea, kontraesanik gerta ez dadin.

Atal bakarra

Aldatu egiten da, ondoren adierazten den moduan, Hirigintza Ekintzak Sortutako Gainbalioetan Elkarteak izan behar duen Partaidetza Zehazten duen apirilaren 25eko 3/1997 Legearen atal bakarra:

«Atal bakarra.¿ Honako era honetan gauzatuko da erakunde publikoen hirigintza-ekintzak sortutako gainbalioetan elkarteak izan behar duen partaidetza:

1. ¿ Hiri-lurraren jabe direnek nahitaez eta dohainik utzi beharko diote udalari hirigintza-zamatik iare dagoen eremuaren irabazizko hirigintza-aprobetxamenduaren ehuneko hamar.

   Bereoneratzeko lanen kasuan, udalari ez zaio aurretik eraikitakoaren gaineko hirigintza-aprobetxamenduaren gehikuntzaren ehuneko hamar baino egokituko.

2. ¿ Hirigarri den edo hiritzeko gai den lurraren jabeek nahitaez eta dohainik utzi beharko diote udalari hirigintza-zamatik iare dagoen eremu edo alorraren irabazizko hirigintza-aprobetxamenduaren ehuneko hamarrari dagokion lurra».