Arautegia
InprimatuAGINDUA, 2012ko otsailaren 15ekoa, Justizia eta Herri Administrazioko sailburuarena, sailari atxikitako datu pertsonalen fitxategiei buruzkoa.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Justizia eta Herri Administrazio Saila
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 54
- Hurrenkera-zk.: 1256
- Xedapen-zk.: ---
- Xedapen-data: 2012/02/15
- Argitaratze-data: 2012/03/15
Gaikako eremua
- Gaia: Administrazioaren antolamendua; Ekonomi Jarduerak
- Azpigaia: Gobernua eta herri administrazioa; Informazio etak komunikazioak
Testu legala
Euskarri fisikoan jasotako izaera pertsonaleko datuen tratamenduan eta sektore publiko zein pribatuak datu horiei gerora ematen dieten erabilera-modalitate orotan pertsona fisikoen ohorea eta intimitatea bermatu eta babestea da Izaera Pertsonaleko Datuak Babesteari buruzko abenduaren 13ko 15/1999 Lege Organikoaren xedea.
Datu Pertsonaletarako Jabetza Publikoko Fitxategiei eta Datuak Babesteko Euskal Bulegoa Sortzeari buruzko otsailaren 25eko 2/2004 Legeko 4. artikuluak aipatutako lege organikoko 20.1 artikuluarekin bat etorriz xedatzen duenez, autonomia-erkidegoko administrazioko fitxategiak sortzeko, aldatzeko eta ezabatzeko, dena delako fitxategia atxikita dagoen saileko titularrak agindua eman behar du. Indarrean dauden legeek eskatutako aipamen guztiak jaso beharko ditu agindu horrek, eta Euskal Herriko Agintaritzaren Aldizkarian argitaratu beharko da.
Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen lehendakariaren maiatzaren 8ko 4/2009 Dekretuaren bidez, Justizia eta Herri Administrazio Saila sortu zen. Sail berri horrek, honako hauek bildu zituen bere baitan: desagertutako Justizia, Lan eta Gizarte Segurantza Saileko Justizia Sailburuordetza; desagertutako Jaurlaritzaren Lehendakariordetzako Araubide Juridikoaren Idazkaritza Nagusiaren eta Administrazioa Eraberritzeko eta Administrazio Elektronikorako Idazkaritza Nagusiaren organo eta unitateak; eta desagertutako Ogasun eta Herri Administrazio Saileko Administrazio eta Zerbitzu Sailburuordetzaren eta Funtzio Publikoaren Sailburuordetzaren organo eta unitateak.
Alabaina, gaur eguneko Justizia eta Herri Administrazio Saila sortzeak ez zuen inplizituki berekin ekarri saila osatzen duten organo eta unitateei atxikitako fitxategiak sailari berari esleitzea eta, hortaz, fitxategi horien arautegia sorburuko sail desagertuek emandako hainbat agindutan dago barreiatuta.
Hortaz, segurtasun juridikoaren izenean eta sakabanaketa horri bukaera emate aldera, Justizia eta Herri Administrazio Sailaren mendeko fitxategi automatizatu guztiak xedapen bakarrean biltzea da agindu honen helburua.
Horregatik guztiagatik, honako hau
Agindu honetan fitxategi bakoitzarentzat aurreikusten den datu-lagapenaz gain, fitxategietako datuak Justizia eta Herri Administrazio Sailaren eta sail horri atxikitako erakunde autonomoen esparruan laga ahal izango dira, ordenamendu juridikoak ezarritako zereginak betetze aldera eta datuak antzeko eskumenei eta gaiei buruzkoak badira.
Era berean, Euskal Autonomia Erkidegoko estatistika-antolamenduari eta beste administrazio publikoetako organo eta zerbitzu estatistikoei laga ahal izango zaizkie, Euskal Autonomia Erkidegoko Estatistikari buruzko apirilaren 23ko 4/1986 Legean eta Estatistikako Funtzio Publikoaren maiatzaren 9ko 12/1989 Legean xedatutakoari jarraiki.
Fitxategi bakoitzaren ardura duten organoen titularrek behar diren neurriak hartuko dituzte fitxategi horiek sortuak izan ziren helburuetarako erabiltzen direla bermatzeko eta datu pertsonalen segurtasuna ziurtatzeko. Datuak aldatzea, galtzea, baimenik gabe tratatzea edo datuetan sartzea saihestu beharko dute neurri horiek. Bestalde, abenduaren 13ko 15/1999 Lege Organikoan eta hori garatzeko arauetan aitortutako bermeak, betebeharrak eta eskubideak betetzeko neurriak ere hartu beharko dituzte aipatutako arduradunek.
Justizia eta Herri Administrazio Sailaren edo sail horri atxikitako erakunde autonomoen izenean zerbitzuren bat ematen dutenek, zerbitzu-emate horren ondorioz sailak edo erakunde autonomoak kudeatutako datu pertsonalen tratamendu automatizatua egin behar bada, zuzen-zuzen bete beharko dituzte fitxategiaren arduradunak emandako jarraibideak. Hala geratuko da jasota horretarako formalizatzen den kontratuan eta, 15/1999 Lege Organikoko 12. artikuluan xedatzen den bezala, datuak ezin ezingo dira beste helburu baterako aplikatu edo erabili eta ezin izango zaizkio beste inori jakinarazi, ezta helburua datuak zaintzea bada ere.
Lehenengoa. Agindu honetan ezarritakoaren aurka doazen honako arau hauetako manuak aldatuta geratzen dira:
Agindua, 2004ko urtarrilaren 8koa, Justizia, Lan eta Gizarte Segurantzako sailburuarena, Justizia, Lan eta Gizarte Segurantza Sailak eta horri atxikitako erakunde autonomoak kudeatutako fitxategi automatizatuak, datu pertsonalenak, arautzen dituena (Justizia, Lan eta Gizarte Segurantzako sailburuaren 2007ko martxoaren 13ko Aginduak aldatu zuen).
Agindua, 2004ko martxoaren 26koa, Jaurlaritzaren lehendakariorde eta Ogasun eta Herri Administrazioko sailburu denarena, Jaurlaritzaren Lehendakariordetzako, Ogasun eta Herri Administrazioko Saileko eta sail horri atxikitako erakunde autonomoetako datu pertsonalei buruzko fitxategiak arautzen dituena (Jaurlaritzaren lehendakariorde eta Ogasun eta Herri Administrazioko sailburuaren 2006ko martxoaren 16ko Aginduak, Jaurlaritzaren lehendakariorde eta Ogasun eta Herri Administrazioko sailburuaren 2008ko urtarrilaren 15eko Aginduak eta Jaurlaritzaren lehendakariorde eta Ogasun eta Herri Administrazioko sailburuaren 2008ko abuztuaren 1eko Aginduak aldatu zuten).
Agindua, 2005eko maiatzaren 18koa, Etxebizitza eta Gizarte Gaietako sailburuarena, Etxebizitza eta Gizarte Gaietako Sailaren datu pertsonalen fitxategiak arautzen dituena (Etxebizitza eta Gizarte Gaietako sailburuaren 2008ko martxoaren 25eko Aginduak aldatu zuen).
Bigarrena. Justizia eta Herri Administrazio Saileko Zerbitzu Zuzendaritzak Datuak Babesteko Euskal Bulegoko erregistroari jakinaraziko dizkio sortutako fitxategiak eta bertan inskribatzeko eskaera egingo dio.
Hirugarrena. Euskal Herriko Agintaritzaren Aldizkarian argitaratu eta hurrengo egunean jarriko da indarrean agindu hau.
Vitoria-Gasteiz, 2012ko otsailaren 15a.
Justizia eta Herri Administrazioko sailburua,
Idoia Mendia Cueva.
«Langileen Bizkaia eraikinerako sarrera-kontrola», «Sartzeen eta bisitaldien kontrola» fitxategian sartu delako.
Nominari buruz bereziki babesturiko datuak, Langileen kudeaketa bateratua fitxategian sartu delako.
Udal Kontseiluko kideak, Jaurlaritzaren Lehendakariordetzaren ardurapekoa delako
Funtzionarioen Bajen Erregistroa, Artxibo Sistemaren Kudeaketa fitxategian sartu delako.
Kargua utzi ondorengo ordainsariak eta Ondareei loturiko jarduera, ondasun eta eskubideen erregistroa, EJko goi-kargudunak eta ZPEPetatik eta SPetatik ekarritakoak fitxategi berrian sartu direlako
Herritarrei Arreta emateko Zerbitzua-Zuzenean, dagoeneko ez daukalako sortzeko ezarri zitzaion helburua. Fitxategi horren ordez, Herritarrei Arreta emateko Zerbitzua-Zuzeneanen hobekuntza izenekoa sortu da.
Kanpokoen kudeaketa eta kontrola.
Fitxategiaren segurtasun-maila.
Oinarrizkoa.
Fitxategiaren oinarrizko egitura.
Identifikazio-datuak:
Izen-abizenak.
NAN/IFZ.
Enpleguari buruzko xehetasunak:
Zein enpresetakoa den.
Fitxategiaren helburua.
Eusko Jaurlaritzaren edozein egoitzetara, kokalekua edozein dela ere (kudeaketa zentralizatuko eraikinak), sartzen diren kanpoko langileen kudeaketa eta kontrola egitea. Alde batetik, kanpoko langileek eraikinetara sartzeko erabiltzen dituzten sistemak behar bezala erabiltzen dituzten egiaztatuko da, hau da, ezarritako harremanaren arabera dagokien moduan erabiltzen dituzten eta, bestetik, egoitzako espazioak behar bezala egokituko dira eta jarri beharrekotzat jotzen diren beste baliabideak ere jarriko dira.
Datuen jatorria.
Interesduna bera.
Datuak biltzeko prozedura.
Bestelakoak: aurkeztutako agiriak.
Datuak biltzeko euskarria.
Papera eta euskarri informatikoa.
Zein pertsona edo gizatalderen datuak bildu nahi diren.
Eusko Jaurlaritzaren eraikinetara sartu behar duten kanpoko langileak.
Datuak lagatzea eta komunikatzea.
Ez da halakorik antzeman.
Datuen nazioarteko transferentzia.
Ez da halakorik antzeman.
Organo arduraduna:
Baliabide Orokorren Zuzendaritza.
Datuak eskuratzeko, zuzentzeko eta kentzeko eta datuen aurka egiteko eskubideak zein organotan erabil daitezkeen:
Justizia eta Herri Administrazio Saileko Zerbitzu Zuzendaritza (Donostia kalea 1, 01010 Vitoria-Gasteiz).
EJko goi-kargudunak eta ZPEPetatik eta SPetatik ekarritakoak.
Fitxategiaren segurtasun-maila.
Oinarrizkoa.
Fitxategiaren oinarrizko egitura.
Identifikazio-datuak:
Izen-abizenak.
Helbidea.
Telefonoa.
IFK/NAN.
Ezaugarri pertsonalak:
Jaioteguna.
Egoera zibila.
Familia-datuak.
Bestelakoak:
Ezkontzaren ondasun-eraentza.
Gizarte-egoeraren datuak:
Ondasunak.
Bestelakoak:
Ondare-aitorpena.
Enpleguari buruzko xehetasunak:
Lanpostua.
Kategoria / maila.
Bestelakoak:
Saila.
Erakundea.
Jabetze-data.
Hartzea.
Uzte-data.
Funtzionarioak.
Kargua.
Merkataritza-informazioa:
Jarduerak eta negozioak.
Ekonomia- eta finantza-datuak eta aseguruei buruzko datuak:
Bestelakoak:
Egoera (pentsioduna).
Transakzioak:
Konpentsazioak / Kalte-ordainak.
Fitxategiaren helburua.
Eusko Jaurlaritzan goi-kargudun edo konfiantzazko aholkulari gisa lan egiteagatik ematen diren kalte-ordainen kontrola egitea.
Goi-kargudun, aholkulari eta zuzenbide pribatuko erakunde publiko nahiz sozietate publikoetatik ekarritako zuzendaritza-kideen aitorpenen eta jarduera, ondasun eta ondare-eskubideen erregistroa eta kontrola egitea, eta kargu horietan gertatzen diren aldaketen jarraipena egitea.
Datuen jatorria.
Interesduna, herritarren eskura dauden iturriak (EHAA).
Datuak biltzeko prozedura.
Inprimaki edo kupoiak, bestelakoak (EHAA).
Datuak biltzeko euskarria.
Paper-euskarria.
Zein pertsona edo gizatalderen datuak bildu nahi diren.
Eusko Jaurlaritzako goi-kargudunak eta aholkulariak, eta zuzenbide pribatuko erakunde publiko nahiz sozietate publikoetatik ekarritako zuzendaritza-kideak.
Datuak lagatzea eta komunikatzea:
Legebiltzarrari:
Lagapena babesten duten arauak: Jaurlaritzari buruzko ekainaren 30eko 7/1981 Legeko 44.3 artikulua eta Jaurlaritzako kideen, Administrazioko goi-kargudunen eta zuzenbide pribatuko ente publikoen eta sozietate publikoen zuzendaritza-taldekideen jarduerak eta ondarezko eskubide-ondasunak adieraztea eta erregistratzea arautzen duen otsailaren 23ko 129/1999 Dekretuko 5. artikulua.
Datuen nazioarteko transferentzia.
Ez da halakorik antzeman.
Organo arduraduna:
Funtzio Publikoaren Zuzendaritza.
Datuak eskuratzeko, zuzentzeko eta kentzeko eta datuen aurka egiteko eskubideak zein organotan erabil daitezkeen:
Justizia eta Herri Administrazio Saileko Zerbitzu Zuzendaritza (Donostia kalea 1, 01010 Vitoria-Gasteiz).
Herritarrei Arreta emateko Zerbitzua-Zuzeneanen hobekuntza.
Fitxategiaren segurtasun-maila.
Oinarrizkoa.
Fitxategiaren oinarrizko egitura.
Identifikazio-datuak:
Izen-abizenak.
Telefonoa.
Posta elektronikoa.
Xehetasun pertsonalei buruzko datuak:
Jaioteguna.
Sexua.
Fitxategiaren helburua.
Herritarrei arreta emateko zerbitzua etengabe hobetzeko azterketa, inkestak eta bestelako analisiak egitea.
Datuen jatorria.
Herritarrei Arreta Emateko Zerbitzuarekin harremana duten pertsonak.
Datuak biltzeko prozedura.
Kanalen bidez: presentziala, telefono bidezkoa edo aurretik eskuratua (Internetez, posta arruntez, posta elektronikoz...).
Datuak biltzeko euskarria.
Telefono-bidezkoa, presentziala, on-line eta papera.
Zein pertsona edo gizatalderen datuak bildu nahi diren.
Herritarrei Arreta Emateko Zerbitzuarekin harremana duten pertsonak.
Datuak lagatzea eta komunikatzea.
Ez dira aurreikusten.
Datuen nazioarteko transferentzia.
Ez da halakorik antzeman.
Organo arduraduna:
Herritarrei Arreta Emateko Zuzendaritza.
Datuak eskuratzeko, zuzentzeko eta kentzeko eta datuen aurka egiteko eskubideak zein organotan erabil daitezkeen:
Justizia eta Herri Administrazio Saileko Zerbitzu Zuzendaritza (Donostia kalea 1, 01010 Vitoria-Gasteiz).
Estatu osorako gaikuntza duten EAEko funtzionarioen erregistro integratua.
Fitxategiaren segurtasun-maila.
Oinarrizkoa.
Fitxategiaren oinarrizko egitura.
Identifikazio-datuak:
Izen-abizenak.
NAN/IFZ.
Helbidea.
Telefonoak.
Helbide elektronikoa.
Datu akademikoak eta lanbideari buruzko datuak:
Euskara-titulazioak.
Titulazioak, diplomak eta ikastaroak.
Enpleguari buruzko xehetasunak:
Erregistro pertsonalaren zenbakia.
Oraingo lanpostua eta izandako lanpostuen zerrenda.
Azpieskalak eta kategoriak/taldea eta azpitaldea.
Administrazio-egoerak.
Enpleguaren bestelako ezaugarriak.
Fitxategiaren helburua.
Egindako izendapenak, administrazio-egoerak, kargu-hartzeak, kargu-uzteak, eta estatu osorako gaikuntza izanik EAEko lurralde-esparruan lan egiten duten funtzionarioen karrera profesionalari eragiten dioten bestelako gertakariak.
Datuen jatorria.
Interesduna.
Datuak biltzeko prozedura.
Inprimakiak.
Datuak biltzeko euskarria.
Paper-euskarria.
Zein pertsona edo gizatalderen datuak bildu nahi diren.
Estatu osorako gaikuntza duten funtzionarioak, Enplegatu Publikoaren apirilaren 12ko 7/2007 Legeko bigarren xedapen gehigarriak ezarritakoarekin bat etorriz.
Datuak lagatzea eta komunikatzea.
Ez da halakorik antzeman.
Datuen nazioarteko transferentzia.
Ez da halakorik antzeman.
Organo arduraduna:
Administrazio Erregistroen eta Toki Araubidearen Zuzendaritza.
Datuak eskuratzeko, zuzentzeko eta kentzeko eta datuen aurka egiteko eskubideak zein organotan erabil daitezkeen:
Justizia eta Herri Administrazio Saileko Zerbitzu Zuzendaritza (Donostia kalea 1, 01010 Vitoria-Gasteiz).
1968tik gaur egun arteko polizia-gehiegikerien biktimen zerrenda.
Fitxategiaren segurtasun-maila.
Goi-mailakoa.
Fitxategiaren oinarrizko egitura.
Identifikazio-datuak:
Izen-abizenak.
NAN/IFZ.
Helbidea, telefonoak, helbide elektronikoa, eta abar.
Jasandakok laidoen ezaugarriak.
Fitxategiaren helburua.
Polizia-gehiegikerien biktima izanaren aitorpena eta fitxategi horretan aitortzen zaizkion eskubideak gauzatzea.
Datuen jatorria.
Interesduna, familia, ezagunak, prozedura judizial eta polizialak, komunikabideak.
Datuak biltzeko prozedura.
Erakunde edo bitartekari ofizialak igorritako dokumentuak, erakunde judizial eta polizialak barne.
Datuak biltzeko euskarria.
Paper-euskarria.
Zein pertsona edo gizatalderen datuak bildu nahi diren.
Biktima-izaera izan dezaketenak eta Gisa eskubideen kolektibo edo antzeko funtzioak dituztenak.
Datuak lagatzea eta komunikatzea.
Ez da halakorik antzeman, baina ez da baztertzen eskaera memoria konpontzaile edo memoria historiko arrazoiak direla bide.
Datuen nazioarteko transferentzia.
Ez da halakorik antzeman.
Organo arduraduna:
Giza-eskubideen zuzendaritza.
Datuak eskuratzeko, zuzentzeko eta kentzeko eta datuen aurka egiteko eskubideak zein organotan erabil daitezkeen:
Justizia eta Herri Administrazio Saileko Zerbitzu Zuzendaritza (Donostia kalea 1, 01010 Vitoria-Gasteiz).
«Gerra Zibilean desagertutakoak» fitxategiaren helburua aldatu egin da. Honako hau da orain: «Gerra Zibileko hobiak eta desagertuak eta hildako, fusilatutako eta/edo desagertutakoak ikertzea/aurkitzea».
«Bisitaldien kontrola», daukan helburua eta erregistroaren izena handitu direlako. Fitxategi horren ordez, «Sartzeen eta bisitaldien kontrola» sortu da, helburu honekin: Eusko Jaurlaritzako langileen eta Eusko Jaurlaritzaren egoitzetara bisitan joaten direnen kontrola egitea, Jaurlaritzaren instalazioen segurtasuna eta bisitarien erregistroa bermatzeko. Hainbat estatistika egingo dira horretarako (sartze-kopurua, eraikineko guneen eta denbora-aldien araberako bisitari-kopurua, gehien bisitatutako langileak, gehien bisitatutako guneak, etab.).
Gaur egun datu pertsonalak tratatzen dituzten Justizia eta Herri Administrazio Saileko fitxategi guztien zerrenda:
Liburutegien kudeaketa.
Argitalpenen kudeaketa.
Posta-zerbitzua.
Sartzeen eta bisitaldien kontrola.
Bideo-jagoletza.
Baliabide Orokorren kontratazio-espedienteak.
Segurtasun-gorabeherak.
Kanpokoen kudeaketa eta kontrola.
Ibilgailuak.
Artxibo-sistemaren kudeaketa.
Prozedura judizialak.
Herritarrei Arreta emateko Zerbitzuaren hobekuntza-Zuzenean.
Saileko langileen kudeaketa.
EJASK-Eusko Jaurlaritzaren Administrazioko Sare Korporatiboaren erabiltzaileen datuen fitxategia.
Kontaktuen agenda.
KZguneen erabiltzaileak eta tutoreak.
Frankismoaren biktimentzako diru-laguntzak.
Giza eskubideak.
Partikularren eskabideen erregistroa.
Gerra Zibilean desagertutakoak.
Lege Garapen eta Arau kontrolerako Zuzendaritzaren liburutegiaren kudeaketa.
EJko goi-kargudunak eta ZPEPetatik eta SPetatik ekarritakoak.
Langileen kudeaketa bateratua.
Jokabide-elkarrizketa egituratuak.
Sarrera/Irteera-erregistroen liburua.
Gazteentzako justizia.
Doako laguntza juridikoa.
Zigortuak daudenekin esku-hartzeak.
Justizia-jauregietan sartzeko baimena.
Jarduketak kudeatzea.
Artelanen inbentarioa.
Dokumentuetarako batzordeen batzarrak.
Prestakuntza orokorra.
Euskalduntzea.
Perituak.
Bekak.
Langileak.
Ordutegiaren kontrola.
Lan-poltsak.
Lan-eskaintza publikoa.
Eskubide pasiboak.
Lan-segurtasuneko gorabeheren erregistroa.
Bistaratze-pantailei loturiko laneko arriskuen prebentzioa.
Lan-osasuna.
Elkarteen Erregistro Orokorra.
Fundazioen Erregistro Orokorra.
Estatu osorako gaikuntza duten EAEko funtzionarioen erregistro integratua.
Poliziak 1968tik gaur egun arte egindako abusuen biktimen zerrenda.
Gaiarekin lotutako edukiak
Arauaren historia (5)
- Aldatzen du: AGINDUA, 2005eko maiatzaren 18koa, Etxebizitza eta Gizarte Gaietako sailburuarena, Etxebizitza eta Gizarte Gaietako Sailaren datu pertsonalen fitxategiak arautzen dituena.
- Aldatutakoa: AGINDUA, 2014ko otsailaren 28koa, Ogasun eta Finantzetako sailburuarena, honako hauen datu pertsonalen fitxategiei buruzkoa: Ogasun eta Finantza Saila; Euskal Estatistika Erakunde Autonomoa eta Lehiaren Euskal Agintaritza Erakunde Autonomoa.
- Indargabetutakoa: AGINDUA, 2014ko azaroaren 28koa, Herri Administrazio eta Justiziako sailburuarena, Herri Administrazio eta Justizia Sailean eta sail horretara atxikitako Herri Arduralaritzaren Euskal Erakundean (HAEE/IVAP) nahiz Euskadiko Aholku Batzorde Juridikoan datu
- Aldatzen du: AGINDUA, 2004ko martxoaren 2koa, Jaurlaritzaren lehendakariorde eta Ogasun eta Herri Administrazio sailburu denarena, Jaurlaritzaren Lehendakariordetzako, Ogasun eta Herri Administrazio Saileko eta sail horri atxikitako erakunde autonomoetako datu pertson
- Aldatzen du: AGINDUA, 2004ko urtarrilaren 8koa, Justizia, Lan eta Gizarte Segurantza sailburuarena, Justizia, Lan eta Gizarte Segurantza Sailak eta horri atxikitako erakunde autonomoak kudeatutako fitxategi automatizatuak, datu pertsonalenak, arautzen dituena.
