Etxebizitza eta Hiri Agenda Saila

Lurralde Plangintza eta Hiri Agenda

Etxebizitza eta Hiri Agenda Saila

EuskalHiria kongresua 2024

Datutik Lurraldera

  • 2024ko azaroaren 13 eta 14a
  • Vitoria-Gasteiz, Europa Biltzar Jauregia
  • Inagurazio sasoia "Maria de Maeztu" Auditorioan izango da. Gainontzeko sasoiak "Green Capital" Aretoan izango dira

EuskalHiria Kongresua 2002. urtetik ari da egiten Euskadin, hiriei eta lurraldeari buruzko eztabaida sustatzeko tresna gisa Euskadiren testuinguruan. Kongresuak, proposatutako gaien bidez, hiri-eremuek gaur egun dituzten erronkak eta aukerak jorratzen ditu, askotariko eragileen ikuspegitik eta ezagutzaren hainbat esparrutatik. EuskalhiriaKongresua Eusko Jaurlaritzako Etxebizitza eta Hiri Agenda Sailak antolatu du, eta Giza Kokalekuetarako Nazio Batuen Programaren (NBE-Habitat) laguntza jaso du.

Aurtengo deialdian, Lurralde Plangintzaren eta Hiri Agendaren Zuzendaritzak gai komunak ikuspegi desberdinetatik jorratzeko aukera ikusi du. Horregatik, erabaki da aldi berean antolatzea EuskalHiria Kongresua 2024ren XXIII. edizioa eta III geoEuskadi Kongresua & JIIDE (Datu Espazialen Azpiegituren Jardunaldi Iberiarrak).

Horrela, EuskalHiria Kongresuaren XXIII. ediziorako, gogoeta egingo da datua lurralde- eta hiri-antolamenduan txertatzeko moduari buruz eta informazioak plangintza-prozesuetan duen garrantziari buruz. Parte-hartzaileei gonbidapena egingo zaie lurralde- eta hiri-plangintzako prozesuetan sortzen diren gai, ikuspegi eta erronka berriei buruz hausnartzeko, eskura dauden datu kopuru handia (Big Data) eta helburu desberdinak aztertzeko tresnak sartuz. Horregatik, EuskalHiria Kongresuaren edizio honen izenburua "Datutik lurraldera" da.
Bestalde, geoEuskadi Kongresuak bat egiten du Datu Espazialen Azpiegituren Jardunaldi Iberikoekin (JIIDE2024), eta III. Kongresu GeoEuskadi Kongresua & JIIDE sortu da. Bertan, datuak eskuratzeko eta berrerabiltzeko joera teknologiko berriekin lotutako gaiak eta Lurra behatzeko eta irudikatzeko egungo teknikak jorratuko dira. Oraingo honetan, goiburu hau aukeratu da: "Datu geoespazialaren balioa".