zebido
izond. Zool. Primateen ordenako izen bereko familiako tximino platirrinoez esaten da. Antropoideoen azpiordenakoak dira. Tximino iletsuak dira, eta oso isats luzea dute, oratzailea gehienek. Eskuetako behatz handia laburra dute, edo ez dute batere. Atzazal zapalak dituzte. Aldiko ume bakarra izaten dute. Erdialdeko Amerikan eta Hego Ameriketan bizi dira. Landaregaiak jaten dituzte batez ere, baina mota batzuk orojaleak dira. Zebidoen familiako tximino genero ezagunena pithecia izenekoa da, eta mota ezagunenak, berriz, atelea eta tximino ulularia dira, besteak beste.
