Winnipeg
Kanadako erdi-hegoaldeko hiria eta Manitobako probintziako hiriburua, Red eta Assiniboine ibaien bilgunean, izen bereko aintziraren hego-mendebalean. 594.551 biztanle. Bi unibertsitate. Burdinbide eta errepide gune garrantzitsua. Nazioarteko aireportua. Nekazaritza eremu oparoko merkataritza (garia) eta industria (janari industria, automobilgintza, ehungintza, zapatagintza, petrolio findegiak, tresneria elektrikoa eta mekanikoa, kimika industria, nekazaritzarako makineria) dira ekonomia jarduera nagusiak.
