Turtzioz
Bizkaiko mendebaleko udalerria (Enkarterri). Trucios-Turtzioz du izen ofiziala. Mugak: iparraldean, Kantauri itsasoa; ekialdean, Kantauri itsasoa eta Artzentales; mendebalean, Kantauri itsasoa eta Karrantza eta hegoaldean, Karrantza eta Artzentales. Garaiera, 152 m. 31,12 km2. 1997ko datuen arabera, 528 biztanle (turtzioztarrak). Hizkuntza banaketa 1996an: 28 euskaldun, 83 ia-euskaldun eta 416 erdaldun. Auzo nagusiak: Basinagre, Romañon, La Iglesia (herriburua), Pando, Guriezo, Cueto, Recueto, Gordon eta La Cruz. Aguera ibaiak igarotzen da udalerritik. Hizkuntza, gaztelania. Abere hazkuntza (behi, ardi, zerri eta zaldi azienda) eta baso ustiaketa dira ekonomia jarduera nagusiak. Aipagarria da 1386. urteko San Pedro parrokia eliza (XVI. mende hasieran berriro eraikia).
