Suhuskune
Nafarroa Behereko erdialdeko udalerria, Iholdiko kantonamenduan. Suhescun du izen ofiziala. Mugak: iparraldean, Iholdi eta Irisarri; ekialdean, Landibarre eta Ainhize-Monjolose; mendebalean, Irisarri; hegoaldean, Jatsu eta Ainhize-Monjolose. 11,83 km2. 1999ko erroldaren arabera, 205 biztanle (suhuskundarrak). Laka ibaiak zeharkatzen du Suhuskuneko udalerria. Hizkuntza, behe-nafarrera; euskaldunak, % 100. Laborantza (artoa, garia, landare lekadunak) eta abere hazkuntza (ardi, behi eta zerri azienda) dira ekonomia jarduera nagusiak. Aipagarria da eliza, atal gotikoak dituena. 1388. urteko dokumentu batean aipatzen da lehen aldiz Suhuskuneko herria.
