San Pedro Sula
Hondurasko ipar-mendebaleko hiria eta Corteseko departamenduko hiriburua, Chamelecon ibaiaren haranean. 362.513 biztanle (Hondurasko bigarren hiria). Hondurasko industria gune nagusia da: azukre findegiak, destilategiak, ehungintza, larrugintza, eraikuntzarako gaiak, tresneria elektrikoak eta mekanikoak, tabakogintza. Hondurasko mendebaleko eta ipar-mendebaleko merkataritza gune nagusia da, bestalde. 1536. urtean sortu zuten hiria.
