samisen
iz. Mus. Japoniar musika tresna, lautaren antzekoa. Trasterik gabeko gider luzea du, hiru hari, kabilak aldeetara jarriak, eta kutxa karratua, katu larruz estalia aurretik eta atzetik. XVI. mendean Japonian sartu zen San-shien txinatar lautetik eratorria da. Oso erabilia da Japoniako herri musikan, kantuei laguntzeko, eta Kabuki teatroko orkestran. Plektro luze batez jotzen da.
