polo 2
iz. Kirol. Zaldi gainean jokatzen den kirola, kirten luzeko zurezko mailu batez zurezko pilota bat aurkako taldearen atean sartzean datzana. Taldeak maizenik lau jokalariz osatuak izaten dira eta zortzi denborako (denbora bakoitzak gehienez ere zortzi minutu izaten dituela) partiduetan aritzen dira elkarren kontra 275 metro luze eta 140 zabal dituen zelaian. Jatorriz Asiakoa da (antzina jokatzen zen Persia eta India inguruan), eta Ingalaterrara eraman zuten ingelesek XIX. mendearen azken aldera. Arrakasta handiko kirola da Commonwealth-eko herrialdeetan, Estatu Batuetan eta Argentinan, nahiz eta gutxi batzuek joka dezaketen kirola izan.
