poligonazeo
izond. Bot. Poligonalen ordenako izen bereko familiako landareez esaten da. Poligonazeo mota gehienak belar egiturakoak dira. Hosto bakunak eta txandaka antolatuak dituzte. Lore txikiak dituzte, zuriak, berdaxkak edo arrosa kolorekoak; sexu bikoak edo sexu banakoak izan daitezke. Fruitu erztuna izaten dute, hiruki formakoa. 750 bat landare mota biltzen dira familia honen baitan; ezagunenak lapaitza, inurri belarra eta mingotxa dira. Oso lurralde hotz eta lehorretan izan ezik, mudu guztian hazten dira poligonazeoak.
