Poitou-Charentes
Frantziako mendebaleko eskualdea, Charente, Charente-Maritime, Deux-Sèvres eta Vienneko departamenduak hartzen dituena. 25.790 km2 eta 1.595.081 biztanle (1992). Mugak: ipar-mendebalean, Vendée departamendua; iparraldean, Maine-et-Loire eta Indre-et-Loire; ekialdean Indre, Haute-Vienne eta Dordoina; hegoaldean, Gironde. Bizkaiko badia du mendebalean, Armorikako mendiak ipar-mendebalean eta Massif Central-a hego-ekialdean. Biztanleak asko murriztu dira XX. mendean zehar, bertako asko Paris aldera joan delako lanera. Laboreak, koñak ekoizpena eta esnekiak dira ekonomia jarduera nagusiak. Industriagune bakarra Poitiers ingurua da. Hiriburua, Poitiers. Hiri nagusiak: Châtellerault, Arroxela, Angulema eta Niort.
