pneumokoniosi
iz. Med. Hautsa edo bestelako partikula solidoak biriketan sartzearen ondoriozko eritasunen izen orokorra. Era askotako pneumokoniosiak dira, eta arnasketaren bidez biriketan sarturiko gaiaren arabera sailkatzen dira: silikosia (silizea); beriliosia (berilioa); bisinosia (kotoia); asbestosia (amiantoa); antrakosia (ikatza), etab. Hautsa, biriketara sartuz gero, albeoloetaraino doa eta fibrosia eragiten du. Horren ondorioz, estuagotzen da bronkioen eta odol hodien irekigunea, eta zirkulazioa eta arnasketa zailago bilakatzen.
