piranometro
iz. Fis. eta Meteor. Gainazal horizontal batean jotzen duen zeruaren irrada eta zehazki Eguzkiarena neurtzeko balio duen tresna. Atalik garrantzitsuena termopila da (pare termoelektrikoaren printzipioan oinarritua). Termopilak jasotzen du beirazko bi kupula erdiesferiko igaroz iristen den irrada. Piranometroa kW/m2-tan edo mV-tan kalibratzen da.
