Ortueta, Leire
Bizkaitar ballet dantzaria (Leioa, 1971). Bederatzi urte zituela hasi zen dantzan, eta hamaseirekin erabaki zuen dantzari profesionala izatea. Oinarrizko prestakuntza Areetako Ion Beitiaren eskolan egin ondoen, Londreseko Royal Ballet Schoolera joan zen, eta 1990ean hasi zen eskola horretako hainbat funtziotan parte hartzen: Napoli eta The Rake's Progressen esaterako. London Royal Ballet Company famatuan sartu zen ondoren, eta lehen dantzari eta bakarlari izatea lortu du. Hainbat ikuskaritan parte hartu du: Loti Ederra, Beltxargen Aintzira, Romeo eta Julieta, Herman Schmerman, Bayadère, La Valse, Intxaur kraskailua, Present Histories. Rol propioak egin ditu If this is still a Problem eta Fearful Symmetries obretan. Albatros papera egin zuen The Rhyme of the Ancient Mariner (William Truckett) telebistarako obra laburrean, Arts Council/BBC-ren Dance for the Camera sailaren barruan.
