ñame
iz. Bot. Dioskoriazeoen familiako belar landare igokaria, lore txiki berdeak eta sustrai handia, erraboila egiturakoa, eta batataren antzekoa duena (Dioskorea batata). Asia, Afrika eta Ameriketako tropiko aldeetan sortua da. Landare igokaria da, oso gerri mehea duena, hosto bakunak, eta fruitua sortan bildua. Erraboilak 45-90 cm luze izaten ditu, eta 13 kgr,-taraino iritsi daiteke. Tropiko inguruetako lurraldeetan (Txinan, Polinesian, Antilletan) oso erabilia da haren sustraia janari gisa. Patataren gisa berean prestatzen da. Gordinik jateko oso gazia da.
