notopterido
izond. Zool. Klupeiformeen ordenako izen bereko familiako arrain hezurdunez esaten da. Gorputz estua dute, isatsaldera zorroztuz luzatzen dena. Bizkarraldea eta alboak erabat soilak, hegalik gabeak, dituzte. Guztira hiru hegal dituzte: zakatz bakoitzaren atzean bana, eta sabelaldean bestea, buruaren paretik isatseraino luzatzen dena. Xenomystus nigri da familia honetako arrainik ezagunena.
