Ngugi, John
Kenyar atleta (Nyahururu, 1962). Iraupen luzeko eta ertaineko lasterketetan da espezialista. 1985ean lortu zuen lehen titulu garrantzitsua Erdialdeko eta Ekialdeko Afrikako txapelketan. Bost aldiz irabazi du munduko kros txapelketa (1986, 1987, 1988, 1989 eta 1992an). 1988ko Olinpiar Jokoetan urrezko domina lortu zuen 5.000 metroko proban. 1990ean, Commonwealtheko Jokoetan, 10.000 metroko probaren marka hobetu zuen 27 m eta 19,15 s-ko denbora eginez.
