Mehaine
Nafarroa Behereko erdialdeko udalerria, Hazparneko kantonamenduan (Arberoa eskualdea). Méharin du izen ofiziala. Mugak: iparraldean Oragarre, Amorotze-Zokotze eta Donamartiri; ekialdean Behauze; mendebalean Armendaritze eta Donamartiri, eta hegoaldean Armendaritze, Mithiriña eta Amorotze-Zokotze. Garaiera, 100 m. 12,73 km2. 1999ko datuen arabera, 270 biztanle (mehaindarrak). Behobikoerreka ibaiak igarotzen du. Euskara, behe-nafarrera; euskaldunak, % 97. Ekonomia jarduera nagusiak laborantza (artoa, barazkiak, mahatsa) eta abere hazkuntza (ardi eta behi azienda) dira. Aipagarri dira hilerriko hilarriak (XVII. m.). v Historia. 1294. urteko dokumentu batean aipatzen da lehen aldiz Mehaineko herria.
