Liost, Guerau de
(Jaume Bofill i Matas jaiotza izenez). Kataluniar politikari eta poeta (Olot, 1878 - Bartzelona, 1933). Zuzenbide ikasketak egin zituen Bartzelonan eta han hasi zen kazetaritzan. Lliga regionalista alderdiko kidea eta La veu de Catalunya egunkariko erredaktore nagusi izan zen hasieran. 1922an Acció catalana alderdia sortu zuen eta 1933an Lliga-ra itzuli zen. 1908an eman zuen argitara lehen poema bilduma, La muntanya d’ametistes (Amatista mendia), eta ondoren Somnis (1913, Ametsak), La ciutat d’ivori (1918, Bolizko hiria), Selvatana amor (1920, Basa amodioa) eta Ofrenda rural (1928, Nekazarien eskaintza).
