katamarro
iz. Zool. Oso itxura eta kolore apaineko haragijale basatia, biberridoen familiakoa (Genetta genetta). Basakatu izenaz ere ezagutzen da. 50 cm inguru luze izaten da eta 15-17 cm garai. Isats luze iletsua du, eraztun zuri eta beltzak dituena. Gorputzeko ilea gris horixka eta orbain beltzekikoa du. Laisterkari bizkorra, zuhaitzetan ibiltzen trebea eta malgua da. Sagu eta arratoiak, txoriak, arraultzak eta intsektuak jaten ditu. Afrikan, Palestinan, Arabian, Frantziako hegoaldean eta Iberiar Penintsulan bizi da. || Katajineta.
