Kakinomoto no Hitomaro
Japoniar poeta (665 - 710 inguruan). Japoniako historiako lehen idazle handia da. Haren obratik 61 tanka eta 16 txoka geratu dira, bere garaiko poesia forma arruntenak. Nara inguruan jaio zela uste da. Gortean sartu zen eta bi printze inperialen zerbitzari izan zen; haien ekintzak islatzen eta goresten ditu bere poemetan. Probintziako ofizial izendatu zuten gero, eta kargu hartan jarraitu zuen Iwamiko probintzian hil zen arte. Kakinomotoren obren artean nabarmentzekoak dira Karu printzeak Aki-ko ordokietan egin zuen egonaldiari buruzkoa, eta Taketxi printzearen heriotzaren deitorea.
