Gadda, Carlo Emilio
Italiar eleberrigilea (Milan, 1893 - Erroma, 1973). La Madonna dei filosofi (1931) liburuan Milango burgesiaren ikuspegi barregarria eman zuen, eta La Cognizione del dolore-n berriz (bukatu gabea, 1938-1941), burgesiaren eta faxismoaren arteko lotura salatu zuen. Quel pasticciaccio brutto de Via Merulana (1957) obrari esker lortu zuen arrakastarik handiena; Erromako jendearen bizitzaren deskribapen barregarria da.
