estomatitis
iz. Med. Ahoko mintzaren hantura. Zenbait estomatitis mota daude. Mota arinenean hantura aho barailetan, ahoaren barrualdeko alboetan eta mihiaren puntan izaten da. Beste arrazoien artean, mikrobioek eraginda sortzen da, eta baita digestio aparatuaren gorabeheren ondorioz ere. Ahoaren mintza gorritzea, odol galtzeak (batez ere barailetan) eta ahoko usain txarra dira gaixotasun horren ezaugarriak. Antiseptikoak eta penizilina dira sendagaiak. v Estomatitis ultzeraduna. Estomatitis mota larria da. Aho mintza gorritzeaz gainera, ultzerak ere sortzen dira. Zenbait mikrobioren ondorioz azaltzen da. Eritasun batzuek (eskorbutoa, diabetesa, leuzemia…) estomatitisari bide ematen diote. Ez bada berehala sendatzen kalte handiagoak sor ditzake. v Estomatitis aftaduna. Eritasun arina da. Ahoan ateratzen diren zuriuneak (aftak) ditu ezaugarri.
