errepublika
iz. Agintaritza pertsona bakar baten esku ez dagoela, estatuaren buruzagitza hauteskunde bidez hautatzen den gobernu era; era horretan gobernatzen den estatua. v Agintea herriaren biltzar batean edo senatu batean eta aginte beterazlea lehendakari baten eskuetan duen gobernu forma. Lehendakaria herriak edo biltzarrak aukeratzen du, eta ez da aitarengandik seme-alabengana pasatzen, erregetzarekin gertatzen den bezala. Errepubliken arteko bereizketa klasikoak errepublika oligarkikoak eta demokratikoak bereizten ditu. Lehena estamentu edo gizatalde berezietan banatutako gizarteetan ikusten zen, agintea talde oligarkiko baten eskuetan zegoela; Atenas, Esparta, Kartago eta Erdi Aroko Italiako errepublikak dira horren adibideak. Egungo errepublika mota, demokratikoa, Frantziako Iraultzaren ondoren garatu da Europan. Historian zehar, de iure errepublikaren forma izan duten zenbait diktadura ikusi izan da. v Herri errepublika. Alderdi Komunistak, 1945etik aurrera, antolaturiko estatuetan ezarritako erregimena.
