erregimen
iz. Gobernu sistema. || Herri batean agintzen duen lege eta araudi multzoa. Erregimen politikoak. Erregimen demokratikoa, monarkikoa, parlamentarioa, liberala. v Dieta. Gatzik gabeko erregimena. v Geogr. Ibaien eta eguraldiaren zenbait gertaera azaltzen dituen ezaugarri multzoa. Ibaiaren erregimena. v Hizkl. Hitz batek nahitaez eskatzen duen hitza edo morfema. Aditzaren erregimena: aditzak eskatzen duen edo gobernatzen duen kasua. v Erregimen Zaharra. Europan, feudalismoa ahuldu eta estatu-nazio berriekin batera gorpuztu zen erregimen politiko-sozialari eman ohi zaion izena. Iraultza burgesak eta industrialak eman zioten azkena gizarte eta politika molde horri. Oro har, Erregimen Zaharra Errenazimentu garaitik (XV-XVI m.) Frantziako iraultza arte (XVIII. mende bukaera) zabaltzen da. Erregetza absolutista, gizartea mailetan edo estatuetan banatua egotea, eta burgesiak bultzaturiko kapitalismoaren aurkako joera dira Erregimen Zaharraren ezaugarri nagusiak.
