Donleavy, James Patrick
Irlandar idazlea, Estatu Batuetan sortua (Brooklyn, 1926). Irlandar etorkinen semea. Mikrobiologia ikasketak egin zituen Trinity Collegen, Dublinen. 1955ean, Parisen, ikasle garaiari buruzko eleberri komiko bat idatzi zuen: Gizon arrotz bat. Bere beste eleberrietatik aipagarriak dira The Saddest summer of Samuel S (1966, Samuel S.-ren udarik tristeena) eta The beastly beatitudes of Balthazar B (1968, Balthazar B.-ren zoriontasun ikaragarriak). Eleberriez gainera, ipuinak eta antzerki lanak idatzi zituen: Maitagarrien ipuina New Yorken (1961). 1967an Irlandara joan zen eta han bizi da harrezkero. 1998an Komun guztiz garbien Andre Maria gurea eleberria argitaratu zuen: dama sortu eta dama gisa hazitako Jocelyn Jonesen kondaira, zoritxar zein baino zein okerragoen ondoren zubipean eta bakarrik bizi izan zena.