Cyrankiewicz, Jóse
Poloniar politikaria (Tarnow, 1911 - Varsovia, 1989). Alderdi sozialistako kidea zen; alemaniarren aurkako erresistentzian jardun zuen 1940. urtetik aurrera. 1941. urtetik 1945. urtea arte Mauthausengo eta Auschwitzeko kontzentrazio esparruetan egon zen preso. Poloniako alderdi sozialistako Idazkari Nagusia izan zen 1945-1948 urteetan, eta Langile Batuen Alderdiko batzorde zentraleko idazkari izendatu zuten (1947-1952). 1954. urtean gobernuburu izendatu zuten. Estatuko Kontseiluko lehendakaria izan zen 1970. urtean eta dimisioa aurkeztu zuen bi urte geroago.
