Zuria Errenazimentua Nafarroakoa
Siziliako erregina, Nemoursko kondesa, Atenas eta Neopatriako dukesa eta, 1425-1441 bitarteko urteetan, Nafarroako erregina (1386-1441). Karlos III.a Noblearen eta Leonor Trastamarakoa Nafarroako errege-erreginen alaba zen. Siziliako errege zen Martin Gaztearekin ezkondu zen 1402. urtean. 1409. urtean hil zen erregea seme-alabarik utzi gabe, eta 1419an Aragoiko printze Joan II.arekin ezkondu zen. Nafarrora itzultzean, bertako errege-erregin egin zituzten 1425ean, Karlos III.a hil ondoren. 1439. urtean eginiko testamentuan oinordeko bakartzat bere semea Karlos Vianako Printzea utzi zuen, nahiz eta Joan II.a bizi zen bitartean erregetzaren jabe egin ez zedin gomendatu. Zuria hil ondoren, ordea, nafar leinuen arteko borroka hasi zen: agramondarrak —Joan II.aren aldekoak— eta beaumontarrak — Vianako Printzearen aldekoak— elkarren aurka altxatu ziren.
