Zuria Gaztelakoa
Frantziako erregina (Palentzia, Gaztela, 1188 - Paris, 1252). Gaztelako Alfontso VIII.aren alaba zen, Frantziako Luis VIII.arekin ezkondu zen (1200) eta bertako erregeordea izan zen hura hil zenean (1226), bere semea (Luis IX.a Santua izango zena) heldutasuna iritsi bitartean. Jaun feudal handien altxamendua zapaldu ondoren, albiarren aurkako gerra amaitu zuen (1229ko Ituna). VII. Gurutzada bitartean erregeorde bihurtu zen berriro eta pastoureaux izenekoen matxinadari eman zion bukaera (1249-1252).
