bilirrubinemia
iz. Med. Odoleko bilirrubina kopurua; 0,1-0,8 mg/100 cm3 bitartekoa izan ohi da normala. Bilirrubina kopuru horretatik, 0,1-0,6 mg zeharreko bilirrubina izaten da eta gainerakoa bilirrubina zuzena. Lehenengo bilirrubina mota odolean izaten da, pozoitsua da eta ez da uretan urtzen. Bilirrubina zuzen bihurtzen da glukosa oxidatu ondoan sortzen den azidoarekin nahastuz gero. Orduan, hidrodisolbagarri bihurtzen da eta gernuaren bidez kanpora daiteke. Odolean dagoen bilirrubina kopurua 1-1,5 mg% -tik gorakoa denean, ikterizia agertzen da eta kolore gorrixka hartzen du larruazalak.
