Bide Ertzean
Gipuzkoar musika taldea, 1998an sortua. Deabruak Teilatuetan taldean aritutako Ubeda anaiek bultzatutako taldea da. Oro har, pop-aren inguruan mugitzen da taldea, baina egiten dituzte sartu-irtenak jazz, rock eta funcky-an ere. 1998an, Dana lanbrotuta ikustot ikuskizuna sortu zuten Ubeda anaiek Karlos Aranzegi bateria-jotzailearekin batera. Ikuskari haren ondorioz, maxi bat plazaratu zuten. 1999an, Zure minari diskoa aurkeztu zuten. Diskoko kanta guztiak Jose Luis Otamendi azpeitiar poetarenak ziren eta Fran Iturbe gitarrista eta Labrit Zabala kantaria izan zituzten lagun. 2000. urtean kaleratu dute euren bigarren lan luzea, Grixa izenekoa. Disko honetan, besteak beste, Mikel Erentxunen lankidetza izan dute.
