Betika
(Lat. Baetica) Antzina erromatarrena zen Hispania hegoaldeko probintzia baten izena. Gaur Andaluzia dena gutxi gorabehera. Izena Betis (egun Guadalquivir) ibaitik zetorkion. Mugak: Anas ibaia (egun Guadiana), iparraldean eta Mediterraneo itsasoa hego eta ekialdean. Augustok probintzia bihurtu aurretik Hispania Ulterior zelakoaren barnean zegoen. Hiri nagusiak: Kordoba, Hispalis (Sevilla) eta Italica (Trajano, Hadriano eta Teodosio I.aren sorlekua).
