Euskararen tresnak

Lur hiztegi entziklopedikoa

Kultura eta Hizkuntza Politika Saila

Berzelius, Jöns Jacob

Suediar kimikaria (Väfversunda Sörgard, Linköping ondoan, 1779 - Stockholm, 1848). Uppsalako unibertsitatean ikasi zuen. Kimika modernoaren sortzaileetako bat da, eta zientzia honen sailkapena —kimika minerala eta organikoa— berari zor zaio (1806). Letren erabilera sartu zuen elementu kimikoen adierazpen sinboliko gisa. Zehaztasun handiko esperimentuen laguntzaz, baliokideen taula eratu zuen, oxigenoa oinarrizko elementu gisa hartuz (1818). Isomeria, polimeria eta alotropia kontzeptuak definitu zituen (1831). Katalisiaren fenomenoak aztertu zituen (1835) eta Davyren garaian bertan elektrokimikaren legeak agertu zituen. Halaber, gai bakun anitz bakartu zituen, eta kaltzioa, barioa, silizioa, estrontzioa, selenioa, zesioa eta torioa, eta beste zenbait aurkitu zituen.