Asegarce-Alti
Eskuzko pilota profesionala kudeatzen duen enpresa, pilota sustatu eta bultzatzeko helburuarekin 1993an sortua. Ildo horretan aitzindaria izan da, sortu zenean erabat aldarazi baitzuen pilota profesionala. Besteak beste, estatu mailako telebistetara inoiz ez bezalako indarrez eraman zuen pilota Asegarcek hasiera-hasieratik eta pilotarien soldata eta lan baldintzetan ere iraultza ekarri zuen, kirola erabat profesionalizatuz. Asegarcerekin jokatzen duten pilotarien artean ezagunenetako batzuk Julian Retegi II, Unanue, Arretxe, Beloki, Errandonea eta Errasti dira.
