Argantzun
Trebiñuko konderriko udalerria, gaur egun Burgos, Espainiako Gaztelako herrialdearen administraziopean dagoen herri arabarra. Garaiera, 481 m. 18,71 km2 eta 315 biztanle. Zadorra ibaiak zeharkatzen du udalerria hegoaldetik iparraldera. Hizkuntza, gaztelania. XVI. mendearen bukaeran galdu zen euskara. Laborantzan eta abeltzaintzan oinarritzen da ekonomia jarduera nagusia. Aipagarria da Ama Birjinaren Jasokundeko eliza.
