Aral
Sobietar Batasuna izaneko barne itsasoa, Kaspiar Itsaso eta Turkestanetik bereizten duen Ust-Urt basamortu ordokiaren ipar-ekialdean dagoena. Kazakhstan (iparraldea) eta Uzbekistan (hegoaldea) errepublika sobietarren artean dago banatuta. Itsas mailatik 56 m gora, sakonera gutxikoa da (68 m) eta azalera aldakorrekoa (64.000-68.000 km2), txikiagotzen ari da, idorte eta Syr-Daria nahiz Amur-Daria ibaiek ekarritako alubioien eraginez. Uharte ugari. Gatzarri hobi garrantzi handikoak. Arrantza ugaria (gaizkatak). Portu nagusia: Aralsk (19.600 biztanle, 1959an).
